ساتبايەۆتا شاحتاشىلار ەرەۋىلگە شىقتى: قازاقمىس تۇسىنىك بەردى

استانا. قازاقپارات - «قازاقمىس» ج ش س ساتبايەۆتاعى جۇمىسشىلاردىڭ نارازالىعىنا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى اتالعان كومپانيانىڭ باسپا ءسوز قىزمەتىنە سىلتەمە جاساپ.

«2023-جىلعى 14- تامىزدا تۇنگى اۋىسىمعا تۇسكەن ساتبايەۆ وندىرىستىك الاڭىنىڭ 65№ شاحتاسىنىڭ كەنشىلەرى مەن مەردىگەرلىك ۇيىمدارىنىڭ قىزمەتكەرلەرى جۇمىستى توقتاتقاندارىن حابارلادى. ءمان-جايدى ءبىلۋ انىقتاۋ ماقساتىندا «قازاقمىس» باسشىلىعى، پروكۋراتۋرا، ۇلتتىق قاۋىپسىزدىك كوميتەتى قىزمەتكەرلەرى جانە جەرگىلىكتى اتقارۋشى بيلىك وكىلدەرى وقيعا ورنىنا باردى. قازىرگى ۋاقىتتا «قازاقمىس» ج ش س باسشىلىعى تۋىنداعان ماسەلەلەردى شەشۋ ءۇشىن شاحتەرلەردىڭ باستاماشىل توبىمەن كەلىسسوزدەر جۇرگىزىپ جاتىر»، - دەلىنگەن حابارلامادا.

سونداي-اق رەسمي اقپاراتتا وڭىرلىك جەدەل شتابتىڭ قۇرىلعانى ايتىلادى.

«قازاقمىس» كومپانيالار توبى ءارقاشان سىندارلى ديالوگقا اشىق جانە سولاي قالا بەرەدى»، - دەيدى كومپانيادان.