ەلىمىزدە العاش رەت ونەركاسىپتىك اۋقىمدا بانان وسىرىلە باستادى

استانا. قازاقپارات - تۇركىستان وبلىسىندا ونەركاسىپتىك كولەمدە بانان وندىرىلە باستايدى. تۇرىكتىڭ Gengroup Qazaqstan كومپانياسى وڭىردە بانان وتىرعىزىلعان 5,3 گا جىلىجاي كەشەنىن سالدى.

قازاقستاننىڭ كليماتتىق جاعدايلارىنا بەيىمدەلگەن باناننىڭ سورتى ارنايى ءوسىرىلدى، دەپ حابارلايدى قازاقپارات.

اۋىل شارۋاشىلىعى مينيسترلىگىنىڭ مالىمەتىنشە، جاقىن ارادا جىلىجاي تاعى 5 گەكتارعا كەڭەيتىلەدى. بۇل جىلىنا شامامەن 1000 توننا بانان وندىرۋگە مۇمكىندىك بەرەدى. العاشقى ءونىمدى 6-8 ايدان كەيىن جيناۋ جوسپارلانىپ وتىر. ەكزوتيكالىق جەمىستەردەن باسقا، جىلىجايدا قىزاناق پەن قۇلپىناي وسىرىلەدى.

جوبانىڭ قۇنى ءبىرىنشى كەزەڭدە 4 ميلليون ا ق ش دوللارى. تۇرىك كومپانياسى قۇرىلىس كەزىندە جوعارى بەرىكتىگى بار قۇرىلىمداردى پايدالاندى، جىلىجايلار كليماتتىق باقىلاۋمەن جانە بەيىمدەلگىش قورەكتەندىرۋ جۇيەسىمەن جابدىقتالعان. بۇل وسىمدىكتەردىڭ گەنەتيكالىق الەۋەتىن ءتىپتى قولايسىز اۋا رايىندا دا تولىق اشۋعا مۇمكىندىك بەرەدى.