قازاقستانعا ساياحاتتاعان شەتەلدىك تۋريستەر سانى قانشا

استانا. قازاقپارات - بيىلعى قاڭتار- ناۋرىز ارالىعىندا ەلىمىزگە 227,7 مىڭ شەتەلدىك تۋريست كەلگەن، دەپ حابارلايدى قازاقپارات.

مادەنيەت جانە سپورت مينيسترلىگىنىڭ باسپا ءسوز قىزمەتىنەن ءمالىم ەتكەندەي، بۇل وتكەن جىلمەن سالىستىرعاندا 130 مىڭ ادامعا نەمەسە 2,3 ەسە كوپ. بىلتىر قازاقستانعا 97 مىڭ شەتەلدىك كەلگەن.

العاشقى توقساندا ىشكى تۋريستەر سانى دا ارتقان. قاڭتار- ناۋرىز ارالىعىندا 1 ميلليون 348 مىڭ قازاقستاندىق ەل ىشىندە ساياحاتتاعان.

«بىلتىر ەلىمىزگە 1 ميلليونعا جۋىق شەتەلدىك تۋريست كەلدى. بيىل بۇل كورسەتكىش 1,4 ميلليونعا دەيىن ارتادى دەپ كۇتىلۋدە. بۇل شەتەلدىك قوناقتاردىڭ قازاقستانعا تۋريستىك باعىت رەتىندە قىزىعۋشىلىعىنىڭ ارتىپ كەلە جاتقانىن كورسەتەدى. ماسەلەن، جاز باستالعالى قازاقستانعا كەلگەن شەتەلدىكتەر سانى 3 ەسە ارتتى»، - دەدى ق ر م س م تۋريزم يندۋسترياسى كوميتەتىنىڭ ءتوراعاسى داستان رىسپەكوۆ.