مەملەكەت باسشىسى پاكىستان پرەمەر-ءمينيسترىن قۇتتىقتادى
10:22, 14 - تامىز 2023
استانا. قازاقپارات - قاسىم-جومارت توقايەۆ پاكىستاننىڭ تاۋەلسىزدىك كۇنىنە وراي قۇتتىقتاۋ جەدەلحاتىن جولدادى، دەپ حابارلايدى قازاقپارات اقورداعا سىلتەمە جاساپ.
مەملەكەت باسشىسى پاكىستاننىڭ ۇلتتىق مەرەكەسى - تاۋەلسىزدىك كۇنىنە وراي پرەمەر-مينيستر شاحباز شاريفكە ىزگى تىلەگىن جەتكىزدى.
قاسىم-جومارت توقايەۆ استانا مەن يسلاماباد اراسىنداعى قارىم-قاتىناستىڭ دوستىق سيپاتتا ەكەنىنە نازار اۋدارىپ، ەكى ەل حالىقتارىنىڭ يگىلىگى ءۇشىن ەكىجاقتى بايلانىستى ودان ءارى دامىتا تۇسۋگە دايىن ەكەنىن ءبىلدىردى.