اۆياشوۋ كەزىندە ۇشاق قۇلادى

نيۋ-يورك. تاسس - قازاقپارات - ميچيگان شتاتىندا جەكسەنبى كۇنى وتكەن اۆياشوۋ كەزىندە ميگ-23 ۇشاعى اپاتقا ۇشىرادى. بۇل تۋرالى دەترويت حالىقارالىق اۋەجايىنىڭ سايتىندا جازىلعان، دەپ حابارلايدى قازاقپارات تاسس-قا سىلتەمە جاساپ.

توتەنشە جاعداي جەرگىلىكتى ۋاقىتپەن ساعات 16:00 دە بولعان. ۇشاق دەترويت ماڭىنداعى بەلۆيللدەگى تۇرعىن ءۇي كەشەنىنىڭ كولىك تۇراعىنا قۇلاپ، بىرنەشە كولىكتى زاقىمداعان. ۇشقىش پەن ەكيپاجدىڭ ەكىنشى مۇشەسى كاتاپۋلتالانىپ ۇلگەرگەن. ولار امان قالعان، ءبىراق تەكسەرىلۋ ءۇشىن اۋرۋحاناعا جەتكىزىلدى. باسقا ەشكىم زارداپ شەككەن جوق، دەلىنگەن حابارلامادا.

Fox News تەلەارناسى ءمالىم ەتكەندەي، وسى وقيعاعا بايلانىستى اۋە شوۋىن ۇيىمداستىرۋشىلار مەرەكەنى توقتاتۋعا ءماجبۇر بولعان. ا ق ش فەدەرالدى اۋە باسقارماسى تەكسەرىس جۇرگىزىپ جاتىر.