امىرە ۇمىتىلىپ، ونىڭ ورنىن باسقا ەسىمدەر باستى - ۇل بالاعا ءجيى قويىلاتىن ەسىمدەر

استانا. قازاقپارات - ۇلتتىق ستاتبيۋرو ماۋسىم ايىندا ەڭ كوپ قويىلعان ەر بالا ەسىمدەرىن جاريالادى، دەپ حابارلايدى قازاقپارات.ۇل بالالارعا ءجيى قويىلاتىن ەڭ تانىمال 10 ەسىم مىناداي:

- ءاليحان - 298

- الديار - 262

- ءامىر - 240

- ومار - 233

- الان - 227

- ايسۇلتان - 208

- مۋحامماد - 188

- نۇريسلام - 182

- حامزا - 180

- ءالي - 171.

ءبىرىنشى كرەديت بيۋروسى جاساعان تالداۋعا سەنسەك، 2021 -جىلدىڭ ماۋسىمىنان بەرى كوپ نارسە وزگەرگەن. الديار، ءامىر جانە ومار الدەقايدا تانىمال بولا باستاعان.

ال نۇريسلام مەن ايسۇلتان كەرىسىنشە سيرەگەن. ەكى جىل بۇرىن ولار ۇزدىك ۇشتىككە كىرەتىن. قازىر ءتىپتى توپ-5 قاتارىندا دا جوق.

ەڭ قىزىعى، ءالينۇر مەن امىرە تىزىمنەن مۇلدە ءتۇسىپ قالدى. ال مۋحامماد پەن حامزا توپ وندىققا كىردى. سوڭعى ايلاردا وسى ەكەۋىنە سۇرانىس ەرەكشە جوعارى.

دەگەنمەن كوپ جىلدان بەرى وزگەرىسسىز كوشباسشى بولىپ قالا بەرەتىن ءبىر ەسىم بار، ول - ءاليحان.