سولتۇستىك كورەيادا يادرولىق پوليگون ماڭىندا ەكى جەر سىلكىنىسى بولدى

سەۋل. قازاقپارات - جەكسەنبى كۇنى ك ح د ر- داعى يادرولىق پوليگون ماڭىندا ەكى شاعىن تابيعي جەر سىلكىنىسى بولدى، دەپ حابارلايدى قازاقپارات يونحاپ اگەنتتىگىنە سىلتەمە جاساپ.

وڭتۇستىك كورەيانىڭ مەملەكەتتىك مەتەورولوگيالىق اگەنتتىگى بۇل جەر سىلكىنىسىنىڭ سوڭعى ايلاردا ايماقتا بولعان تابيعي وقيعا ەكەنىن مالىمدەدى.

ماگنيتۋداسى 2,7 بولاتىن ءبىرىنشى ءزىلزالا سولتۇستىك حامگەنگ پروۆينتسياسىنداعى گيلجۋ قالاسىنان سولتۇستىك-باتىسقا قاراي شامامەن 40 ك م جەردە تاڭعى ساعات 3:13 تە، ال 2,3 بالدىق ەكىنشى جەر سىلكىنىسى گيلجۋ قالاسىنان سولتۇستىك-باتىسقا قاراي 42 ك م جەردە تاڭعى ساعات 7:55 تە بولدى.

«ءبىرىنشى جەر سىلكىنىسىنىڭ ەپيتسەنترى سولتۇستىك ەندىكتىڭ 41,3 گرادۋسىندا جانە شىعىس بويلىقتىڭ 129,19 گرادۋسىندا 15 شاقىرىم تەرەڭدىكتە، ال ەكىنشى جەر سىلكىنىسىنىڭ وشاعى سولتۇستىك ەندىكتىڭ 41,31 گرادۋسى مەن شىعىس بويلىق 129,16 گرادۋسىندا بولدى. 5 شاقىرىم تەرەڭدىكتە»، - دەپ حابارلادى اگەنتتىك.

كيلجۋ - پۋنگەري يادرولىق پوليگونىنىڭ ورنى، وندا سولتۇستىك كورەيا ءوزىنىڭ بارلىق التى يادرولىق سىناقتارىن وتكىزدى.

تەك 2022-جىلى بۇل ايماقتا سەگىز تابيعي جەر سىلكىنىسى بولدى.