گۇل دۇكەنىندەگى جاعداي: پوليتسيا قىزمەتكەرلەرىنە قاتىستى تەرگەۋ باستالدى

شىمكەنت. قازاقپارات - وزىندىك قاۋىپسىزدىك دەپارتامەنتى بۇرىنعى ۋچاسكەلىك ينسپەكتور مۇحتار بەكوۆتىڭ «ROMANTIC» گۇل سالونى مەن «eldorado» رەستو-بارىنىڭ جۇمىسشىلارىنا قاتىستى جاساعان زاڭسىز ارەكەتتەرىنە بايلانىستى بۇقارالىق اقپارات قۇرالدارىندا تارالعان مالىمەتتەردى تەكسەردى، دەپ حابارلايدى قازاقپارات.

ءى ءى م مالىمەتىنشە، بەكوۆكە قاتىستى قازاقستان رەسپۋبليكاسى قىلمىستىق كودەكسىنىڭ 191-بابىنىڭ 2-بولىگى «توناۋ» بويىنشا سوتقا دەيىنگى تەرگەۋ باستالدى.

«شىمكەنت قالاسى پوليتسيا دەپارتامەنتى قىزمەتكەرلەرىنىڭ ءىس-ارەكەتتەرىنىڭ زاڭدىلىعىن قازاقستان رەسپۋبليكاسى قىلمىستىق كودەكسىنىڭ 371-بابىنىڭ 1-بولىگى «سالعىرتتىق» بويىنشا باستالعان سوتقا دەيىنگى تەرگەپ-تەكسەرۋ بارىسىندا وزىندىك قاۋىپسىزدىك بولىمشەسى تەكسەرەتىن بولادى.

ۆەدومستۆو ەكى قىلمىستىق ءىس بويىنشا جۇرگىزىلىپ جاتقان تەرگەۋدىڭ وبەكتيۆتىلىگى مەن جان-جاقتىلىعىن قامتاماسىز ەتەتىن بولادى»، - دەلىنگەن رەسمي مالىمدەمەدە.