ازەربايجان مەن قازاقستان ترانزيتتىك جۇك تاسىمالىن دامىتپاقشى
15:36, 13 - تامىز 2023
باكۋ. ازەرتادج - قازاقپارات - قۇرامىندا اقتاۋ جانە قۇرىق پورتتارىنىڭ باسشىلارى بار يندۋستريا جانە ينفراقۇرىلىمدىق دامۋ ءمينيسترى مارات قارابايەۆ باستاعان قازاقستان دەلەگاتسياسى سەنبى كۇنى باكۋ حالىقارالىق تەڭىز ساۋدا پورتىنا باردى، دەپ حابارلايدى قازاقپارات ازەرتادج- عا سىلتەمە جاساپ.
ازەرتادج مالىمەتىنشە، تاراپتار ترانزيتتىك جۇك تاسىمالداۋ كولەمىن ارتتىرۋ ماسەلەلەرىن تالقىلادى. تۇراقتى ساۋدا اعىنىن قامتاماسىز ەتۋ، ماڭىزدىلىعى جىلدان جىلعا ارتىپ كەلە جاتقان جوبا - ورتا ءدالىز اياسىندا جۇيەلى بايلانىستار ورناتۋ، سونداي-اق ەكولوگيالىق تۇراقتىلىقتى قامتاماسىز ەتۋ ماسەلەلەرى سياقتى تاقىرىپتار باستى نازاردا بولدى.
ايتا كەتەيىك، وسى جىلدىڭ جەتى ايىندا باكۋ پورتى ارقىلى قازاقستان پورتتارىنان جۇك تاسىمالداۋ كولەمى 15 پايىزعا ءوستى.