الماتىدا شەنەۋنىك مەملەكەتتىك پاتەرلەردى ارزان باعاعا تۋىستارىنا ۇلەستىرگەن

الماتى. قازاقپارات - الماتى قالاسى 2№ مەدەۋ اۋداندىق سوتى «الماتى قالاسى اكىمدىگىنىڭ كۇردەلى قۇرىلىس كاسىپورنى» ج ش س ديرەكتورى ر. بايتاسوۆقا ۇكىم شىعاردى، دەپ حابارلايدى قازاقپارات.

انتيكور مالىمەتىنشە، ول 4 جىلعا باس بوستاندىعىنان ايىرىلعان.

بايتاسوۆ 23 مەملەكەتتىك پاتەردى ءوزىنىڭ تۋىستارى مەن تانىستارىنا تومەن باعاعا زاڭسىز ساتۋ ارقىلى لاۋازىمدىق وكىلەتتىگىن اسىرا پايدالاندى دەپ ايىپتالدى.

بۇل «الماتى» ا ك ك» ا ق قىزمەتىندە سىبايلاس جەمقورلىق تاۋەكەلدەرىن سىرتتاي تالداۋ بارىسىندا انىقتالعان.

مەملەكەتكە كەلگەن زالال سوماسى 388 ميلليون تەڭگەدەن استى.

سوتتالۋشى مەملەكەتتىك قىزمەتتە، جەرگىلىكتى ءوزىن-ءوزى باسقارۋ ورگاندارىندا، قارجى ۇيىمدارىندا جانە كۆازيمەملەكەتتىك سەكتوردا قىزمەت اتقارۋ قۇقىعىنان ءومىر بويىنا ايىرىلدى.

ۇكىم زاڭدى كۇشىنە ەنگەن جوق.