استانادا «شاپاعات» ساۋدا ءۇيى اينالاسىندا ساۋدا جاساۋعا تىيىم سالىندى

استانا. قازاقپارات - استانادا «شاپاعات» ساۋدا ءۇيىنىڭ اينالاسىنداعى بەي-بەرەكەت ساۋدا ورىندارى جويىلدى، دەپ حابارلايدى قازاقپارات.

قالا اكىمدىگىنىڭ باسپا ءسوز قىزمەتىنەن ءمالىم ەتكەندەي، 30 دان استام ساۋداگەر رەسمي تۇردە كاسىپتەرىن تىركەپ، ساۋدا ۇيلەرى مەن بازارلارعا كوشتى.

«قازىرگى تاڭدا «شاپاعات» ءسۇ اۋماعىن اباتتاندىرۋ جۇمىستارى جۇرگىزىلۋدە. اتالعان جەردى اباتتاندىرۋ 4460 تۇرعىنعا قولايلى جاعداي جاساۋعا مۇمكىندىك بەرەدى»، - دەدى استانا اكىمدىگىنەن.

ايتا كەتەيىك، اتالعان اۋداندا بەي-بەرەكەت ساۋدا 10 جىلدان استام ۋاقىت بويى جۇرگىزىلىپ كەلدى.