تالدىقورعاندا وزەن جاعاسىنان قارۋ-جاراق سالىنعان قاپ تابىلدى

تالدىقورعان. قازاقپارات تالدىقورعاندا وزەن جاعاسىنان قارۋ-جاراق سالىنعان قاپ تابىلدى، دەپ حابارلايدى قازاقپارات ءتىلشىسى.

قارۋ-جاراق ساقتالعان جاسىرىن ورىن وبلىستىق ەكسترەميزمگە قارسى ءىس-قيمىل باسقارماسى ۇ ق ك د قىزمەتكەرلەرىمەن بىرلەسىپ ۇيىمداستىرعان ارنايى ءىس-شارالار بارىسىندا انىقتالدى. كەنەپ قاپتا 2022-جىلى قاڭتارداعى وقيعالار كەزىندە ۇرلانعان قارۋ-جاراق، وق-دارىلەر مەن ارنايى قۇرالدار بولدى.

«5,6 م م كاليبرلى مارگولين تاپانشاسى، سىڭار اۋىزدى شولاق مىلتىق، ءارتۇرلى كاليبرلى 60 پاترون، وق وتپەيتىن كەۋدەشە جانە راتسيا تاركىلەندى. بۇل قارۋ-جاراق پەن ارنايى قۇرالدار ۇرلانعان دەپ سانالادى»، - دەدى جەتىسۋ وبلىسى پ د ەكسترەميزمگە قارسى ءىس-قيمىل باسقارماسىنىڭ باستىعى بولات بولىسبەكوۆ.

ءىس جۇزىندە قاجەتتى ساراپتامالار تاعايىندالىپ، تەرگەۋ امالدارى باستالدى.