قورعانىس ءمينيسترىنىڭ كولىگىنە وق اتىلدى

بەيرۋت. قازاقپارات - ليۆان اسكەري ۆەدومستۆوسىنىڭ باسشىسى موريس ساليم وتىرعان كولىكتىڭ ارتقى تەرەزەسىنە ەكى وق تيگەن. بيلىك قاستاندىق نۇسقاسىن جوققا شىعارمايدى، دەپ حابارلايدى قازاقپارات Euronews-كە سىلتەمە جاساپ.

بەيرۋت ماڭايىندا ليۆان قورعانىس ءمينيسترىنىڭ كورتەجىنە وق جاۋدىرىلعان. توتەنشە جاعداي بەيسەنبى كۇنى كۇندىز حازميە كۆارتالىندا بولدى. اسكەري ۆەدومستۆو باسشىسىنىڭ مىندەتىن اتقارۋشى موريس ساليم وتىرعان كولىكتىڭ ارتقى تەرەزەسىنە ەكى وق تيگەن. ەشكىم زارداپ شەككەن جوق.

مينيستر الەۋمەتتىك جەلىدە جازعانداي، تەرەزەنىڭ قورعانى زاقىمدالعان، ءبىراق وق وتپەگەن. ليۆان ءى ءى م باسشىسى باسسام ماۆلاۆي مالىمدەگەندەي، قاۋىپسىزدىك قىزمەتى وقيعانىڭ ءمان-جايىن تەرگەپ جاتىر.

ايتا كەتسەك، توتەنشە جاعداي بولعان جەرگە جاقىن ماڭدا «حەزبوللا» شەيىت توبى مۇشەسىن جەرلەۋ ءراسىمى ءوتىپ جاتقان. ول ءبىر كۇن بۇرىن كاحاليدە ولتىرىلگەن بولاتىن. راسىمگە قاتىسۋشىلار ءداستۇر بويىنشا اۋاعا وق اتقان. قاڭعىعان وق وسى اۋدانداعى بىرنەشە دۇكەننىڭ تەرەزەسىن زاقىمدادى.