قازاقستاندا اۋە بيلەتتەرىنىڭ باعاسى ءوستى
«بيىل شىلدەدە اۋە كولىگى قىزمەتتەرى باعاسى جىلدىق قارقىنمەن 10,5 پايىزعا ءوستى. وڭىرلەر اراسىندا جەتىسۋ وبلىسىنىڭ تۇرعىندارى قىمباتشىلىقتى قاتتى سەزىندى، مۇندا باعا بىردەن 52,7 پايىزعا ءوستى. انتيليدەرلەر ۇشتىگىنە قىزىلوردا (ءوسىم 46,9 پايىز) جانە سولتۇستىك قازاقستان (ءوسىم 15,9 پايىز) وبلىستارى دا كىردى»، - دەلىنگەن حابارلامادا.
باتىس قازاقستان وبلىسىندا باعا بىلتىرعىداي قالدى. ال ەلىمىزدىڭ 6 وڭىرىندە اۋە كولىگى قىزمەتى ارزاندادى:
قاراعاندى وبلىسىندا؛
الماتى قالاسىندا؛
شىعىس قازاقستان وبلىسىندا؛
تۇركىستان قالاسىندا؛
جامبىل وبلىسىندا؛
ۇلىتاۋ وبلىستارىندا.
بيىل ءبىرىنشى جارتىجىلدىق قورىتىندىسى بويىنشا اۆياكومپانيالار 5,9 ميلليون ادام تاسىمالدادى. بۇل بىلتىرمەن سالىستىرعاندا 27,8 پايىزعا ارتىق.
ەڭ كوپ جولاۋشى الماتىعا جەتكىزىلدى: 2 ميلليون ادام، وعان قوسا جىلىنا 28,5 پايىز. ودان كەيىن استانا (1,6 ميلليون ادام) مەن شىمكەنت (555,6 مىڭ ادام) تۇر.
ەڭ از جولاۋشى الماتى وبلىسىندا تاسىمالداندى: تەك 2,8 مىڭ ادام.