ساراپشى المابايەۆ چەمپيوندىق ايقاسقا قاشان شىعا الاتىنىن ايتتى

استانا. قازاقپارات - MMA Sport ساراپشىسى، بريتانيالىق بەن سميت Vesti.kz تىلشىسىنە بەرگەن سۇحباتىندا قازاقستاندىق اسۋ المابايەۆتىڭ UFC- دەگى دەبيۋتى مەن چەمپيوندىق جەكپە-جەك تۋرالى اشىعىن ايتتى.

المابايەۆ 6- تامىز نەشۆيللدە وتكەن UFC on ESPN 50 تۋرنيرىنىڭ ەكىنشى راۋندىندا يامايكالىق ودە وسبورندى جەڭگەن ەدى.

«العاشقى جەكپە-جەكتى بۇدان جاقسى وتكىزۋ مۇمكىن ەمەس شىعار. تاجىريبەلى قارسىلاستى ەكىنشى راۋندتا جەڭىپ وتىر. ءتىپتى قارسىلاستىڭ وزىندە ەشقانداي سۇراق پەن كۇمان قالمادى. قازىرگى تاڭدا كەرەكتىنىڭ ءبارى وسى. الايدا چەمپيوندىق امبيتسيا تۋرالى ايتۋ ءالى ەرتە. ەندى كەمىندە بىرنەشە جەكپە-جەك كەرەك، ەكى-ءۇش جىل ۋاقىت وتەدى. ەگەر ارى قاراي دا ءوسىپ وتىرسا، تيتۋل تۋرالى ءسوز قوزعاۋعا بولادى»، - دەيدى سميت.