ەلوردا ىرگەسىندە «بوزوق» مۇراجاي- قورىعى مەن ۇلتتىق سپورت ۋنيۆەرسيتەتى سالىنادى
«ۇركەر تۇرعىن الابىنىڭ سولتۇستىگىندە جالپى الاڭى 389 گەكتارعا جۋىق اۋماقتا «بوزوق» تاريحي- مادەني مۇراجاي- قورىعىن سالۋ جوسپارلانۋدا. بيۋدجەتتىك باعدارلامانىڭ اكىمشىسى - مادەنيەت جانە سپورت مينيسترلىگىنىڭ «بوزوق» مەملەكەتتىك تاريحي- مادەني مۇراجاي- قورىعى» ر م ق ك»، - دەپ اتاپ وتەدى اكىمدىك اگەنتتىكتىڭ رەسمي ساۋالىنا وراي.
سونداي- اق ۆەدومستۆو مالىمەتىنشە، مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى قارقارالى تاسجولى بويىنا قازاقستان رەسپۋبليكاسىنىڭ ۇلتتىق سپورت ۋنيۆەرسيتەتىن سالاتىن بولادى. ونىڭ جالپى اۋماعى - 20 گەكتاردان استام.
بۇدان بولەك، اكىمدىك بيىل پايدالانۋعا بەرىلەتىن تۇرعىن ءۇي جوسپارىنا وزگەرتۋ ەنگىزىلمەگەندىگىن اتاپ وتەدى.
«يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتى استانا قالاسى بويىنشا 2,7 ميلليون شارشى مەتر كولەمىندە تۇرعىن ءۇيدى پايدالانۋعا بەرۋدىڭ 2023 -جىلعا ارنالعان جىلدىق جوسپارىن انىقتادى. بۇگىنگى تاڭدا بۇل جوسپارعا وزگەرىستەر ەنگىزىلمەگەن»، - دەلىنگەن جاۋاپتا.
«بوزوق» مۋزەيىنىڭ عىلىمي حاتشىسى ايناگۇل عانيەۆانىڭ مالىمەتىنە سۇيەنسەك، «بوزوق» تاريحي- مادەني مۇراجاي- قورىعىنىڭ قۇرىلىس جۇمىستارى باستالعان.
قازىرگى ۋاقىتتا ورتا عاسىرلىق 2 كىرەبەرىس پورتال مەن قورشاۋى سالىنعان. كوممۋنالدىق- ينجەنەرلىك جەلىلەر تولىعىمەن جەتكىزىلگەن.
«مۇراجاي- قورىق ارقىلى اتا- بابالارىمىز ەۋرازيا قۇرلىعىندا 6 مىڭ جىل قالاي ءومىر سۇرگەنىن كورسەتكىمىز كەلەدى. ول ءۇشىن ەنەوليت داۋىرىنەن باستاپ تۇراقتى قونىس كەشەندەرىن وسى جەردە قايتا قالپىنا كەلتىرەمىز. ەنەوليت داۋىرىنە قاتىستى كوشپەلىلەر جىلقىنى العاش ۇيرەتكەن بوتاي قونىسى بولادى. بۇل جەرگە كەلگەن قوناقتار العاشقى وركەنيەتپەن تانىسادى. ودان كەيىن - قولا ءداۋىرى. ول زاماندا ورتالىق قازاقستاندا مەتاللۋرگيا جاقسى دامىعان. سول زاماننىڭ قونىستارىن كورسەتەمىز. بوزاق قالاشىعىنىڭ ءوزى ءۇستى شاتىرمەن جابىلىپ، 40 گەكتار جەرگە ورنالاسادى»، - دەدى ول.