وسكەمەن ىرگەسىنەن وتكەن عاسىردا جاسالعان، اتۋعا جارامدى مىلتىق تابىلدى

وسكەمەن. قازاقپارات - وسكەمەن قالاسىنىڭ ىرگەسىنەن تاعى دا قارۋ جاسىرىلعان ورىن انىقتالدى، دەپ حابارلايدى قازاقپارات ءتىلشىسى.

ش ق و بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 17№ تۇزەتۋ مەكەمەسىنىڭ قىزمەتكەرلەرى پوليتسەيلەرمەن بىرلەسىپ، قارۋ جاسىرىلعان ورىندى انىقتادى.

قارۋ سامسونوۆكا كەنتىندەگى كوپىر استىنان تابىلدى. ساراپتاما كورسەتكەندەي، بۇل - ⅩⅩ عاسىردا جاسالعان «زك» ماركالى اعاش مىلتىقتىڭ كەسىندىسى. اتۋعا جارامدى.

«قازىرگى ۋاقىتتا اتالعان فاكتى بويىنشا ق ر قىلمىستىق كودەكسىنىڭ 287-بابى 3-بولىگىنە (قارۋدى، وق-دارىلەردى، جارىلعىش زاتتاردى جانە جارىلعىش قۇرىلعىلاردى زاڭسىز الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ) سايكەس سوتقا دەيىنگى تەرگەۋ امالدارى باستالدى. الدىن الا مالىمەت بويىنشا قارۋ وسى جەردە ەكى جىلدان استام ۋاقىت ساقتالعان. بۇل - تامىز ايى باستالعالى پوليتسەيلەرمەن بىرلەسىپ انىقتالعان قارۋ جاسىرىلعان ەكىنشى ورىن»، - دەيدى تۇزەتۋ مەكەمەسى باستىعىنىڭ ورىنباسارى ەرنار يبرايەۆ.

ەسكە سالساق، وسىعان دەيىن وسكەمەن تۇرمەسىندە جازاسىن وتەۋشى جاسىرىلعان قارۋ-جاراق تۋرالى ايتقانىن حابارلاعان ەدىك.