وتانداستار قورىنىڭ وكىلى قالىبەك قوبلاندين موڭعوليانىڭ «التىن جۇلدىز» وردەنىمەن ماراپاتتالدى

استانا. قازاقپارات - «وتانداستار قورى» ك ە ا ق جوبا ۇيلەستىرۋشى، قوعام پرەزيدەنتىنىڭ كەڭەسشىسى قالىبەك يبراگيم ۇلى قوبلاندين موڭعوليا پرەزيدەنتى ۋحنااگين حۋرەلسۋحتىڭ جارلىعىمەن «التىن جۇلدىز» وردەنىمەن ماراپاتتالدى، دەپ حابارلايدى قازاقپارات.

جوعارى دارەجەلى وردەندى موڭعوليانىڭ قازاقستانداعى ەلشىسى دورج بايارحۋۋ تابىستادى.

«ماراپات لايىقتى يەسىن تاپتى دەپ ويلايمىن. بۇل وردەننىڭ دارەجەسى وتە جوعارى»، - دەگەن ەلشى قالىبەك يبراگيم ۇلىنا 2013-2019-جىلدارى قازاقستان رەسپۋبليكاسىنىڭ مونعولياداعى توتەنشە جانە وكىلەتتى ەلشىسى قىزمەتىن ابىرويمەن اتقارىپ، ەكى ەل اراسىنداعى دوستىق كوپىردىڭ نىعايۋىنا قوسقان زور ۇلەسى ءۇشىن ريزاشىلىعىن ءبىلدىردى.

كەزدەسۋدە «وتانداستار قورى» ك ە ا ق پرەزيدەنتى ابزال ساپاربەك ۇلى موڭعوليانىڭ قازاقستانداعى ەلشىسى دورج بايارحۋۋعا موڭعوليا قازاقتارىنىڭ IV كىشى قۇرىلتايى اياسىندا وتكەن ءىس- شارالاردىڭ، مادەني جانە رۋحاني كەشتەردىڭ جوعارى دەڭگەيدە وتۋىنە قولداۋ بىلدىرگەنى ءۇشىن العىس ايتىپ، قازاقتىڭ سالت-داستۇرىنە ساي يىعىنا شاپان جاپتى.