پرەزيدەنت الماتىداعى ورتتە كورسەتكەن ەرجۇرەكتىگى مەن جانقيارلىعى ءۇشىن ءبىر توپ ازاماتتى ماراپاتتادى

استانا. قازاقپارات - مەملەكەت باسشىسىنىڭ جارلىعىمەن الماتىداعى «اقكەنت» ىقشام اۋدانىندا بولعان ءورت كەزىندە ادام ءومىرىن ساقتاپ قالۋعا بايلانىستى قيىن-قىستاۋ جاعدايدا كورسەتكەن ەرجۇرەكتىگى مەن جانقيارلىعى ءۇشىن ءبىر توپ ازامات ماراپاتتالدى، دەپ حابارلايدى قازاقپارات اقورداعا سىلتەمە جاساپ.

اتاپ ايتقاندا، «ەرلىگى ءۇشىن» مەدالىمەن ماراپاتتالادى:

1) احمەتحانوۆ تىلەۋجان ساپارعالي ۇلى - «expo Masters» ج ش س مەنەدجەرى، الماتى قالاسى؛

2) گيۋناي شيۋكريۋ - «سپارك ەلەكترومەحانيك» ج ش س ەلەكتريگى، الماتى قالاسى؛

3) يسمايلوۆ ەلدار الەكساندروۆيچ - «سپارك ەلەكترومەحانيك» ج ش س ەلەكترومەحانيگى، الماتى قالاسى؛

4) يەردەلەن حاليل - «GASK Construction» ج ش س اۆتوكران وپەراتورى، الماتى قالاسى؛

5) مامەدوۆ كەنان بابا ۇلى - «سپارك ەلەكترومەحانيك» ج ش س ەلەكترومەحانيگى، الماتى قالاسى؛

6) رومانوۆ ۆاديم اناتوليەۆيچ - «Frank-Asia» ج ك اۆتوكران وپەراتورى، الماتى قالاسى.

ەسكە سالايىق، الماتىدا 16 قاباتتى ۇيدە ءورت تۇتانعان بولاتىن. قىزىل جالىن وقشاۋلانىپ، ءسوندىرىلدى. وعان دەيىن تۇرعىندار بالالارىن تەرەزەدەن لاقتىردى. زارداپ شەككەندەردىڭ ىشىندە 2 جۇكتى ايەل بار.

كەيىن الماتى قالالىق دەنساۋلىق ساقتاۋ باسقارماسى ءبىر ادامنىڭ قازا تاپقانىن حابارلادى.