شىمكەنتتەگى قوعامدىق رەزونانس تۋدىرعان گۇل دۇكەنىندەگى وقيعا ەكى بولەك بولعان - مينيسترلىك
وسىعان بايلانىستى ق ر ءى ءى م بۇل جەردە ەكى قۇقىق بۇزۋشىلىق جايتى بولعانىن مالىمدەدى، دەپ حابارلايدى قازاقپارات.
«ءبىرىنشى بەينەجازبادا كورسەتىلگەندەي، اق فۋتبولكا كيگەن ادام ۇستەلدەن قايشىنى الىپ، گۇل ساتۋشىعا قاراي بەت الادى. بۇل جايت 8-تامىز كۇنى بولعان. اتالعان جاعدايعا قاتىستى پوليتسياعا ساتۋشىدان ەشقانداي ارىز تۇسكەن جوق. قۇقىق بۇزۋشىلىق الەۋمەتتىك جەلىلەردى مونيتورينگ جاساۋ بارىسىندا انىقتالدى.
پوليتسيا قىزمەتكەرلەرى بۇزاقىنى انىقتاپ، تۇران ا پ ب-نا جەتكىزدى. ك. ەسىمدى ازامات 1990 -جىلى تۋعان تۇركىستان وبلىسىنىڭ تۋماسى بولىپ شىقتى. شىمكەنت قالاسىندا تۇرادى. ونىڭ اكەسى - 1952 -جىلى تۋعان زەينەتكەر. بايدىبەك اۋدانىندا تۇرادى» دەلىنگەن حابارلامادا.
ەر ادام سوت قاۋلىسىمەن ق ر ا ق ب ت ك-نىڭ 434-بابىنا «ۇساق بۇزاقىلىق» سايكەس 7 تاۋلىككە قاماۋعا الىنعان.
سونداي-اق، ب ا ق-تاردا ونىڭ كەشىرىم سۇراعان ۆيدەوسى تاراعان ەدى.
ەكىنشى بەينەجازبادا باسقا 1989 -جىلى تۋعان ب. ەسىمدى ازامات بەينەلەنگەن. اكەسى جوق، اناسى زەينەتكەر.
«اعىمداعى جىلدىڭ 8-مامىرىندا ەر ادام فلوريستتى قورلاپ، دۇكەننەن گۇل شوعىن الىپ كەتكەن.
تۇران ا پ ب-نىڭ 102 ارناسىنا جانجال تۋرالى قوڭىراۋ تۇسكەن. وقيعا ورنىنا ۋچاسكەلىك ينسپەكتورلار بارعان. الايدا دۇكەن يەسى ءمان-جايدى ناقتىلاۋ بارىسىندا ەشكىمگە شاعىمى جوقتىعىن ايتىپ، ارىز جازۋدان باس تارتقان.
بۇل جايتقا قاتىستى تۇران ا پ ب-دا ق ر ق ك-نىڭ 191-بابى 2-بولىگى 1-تارماعىمەن «جابىرلەنۋشىنىڭ ومىرىنە ن/ە دەنساۋلىعىنا قاۋىپتى ەمەس كۇش قولدانىپ توناۋ» سوتقا دەيىنگى تەرگەۋ باستالدى» دەلىنگەن حابارلامادا.
سونداي-اق ءىستىڭ اق-قاراسىن اجىراتۋ كەزىندە قارا فۋتبولكا كيگەن ازامات اعىمداعى جىلدىڭ 19-مامىرىندا وتباسىلىق سەبەپتەرگە بايلانىستى ءوز وتىنىشىمەن ىشكى ىستەر ورگاندارىنان بوساتىلعان قاراتاۋ ا پ ب-نىڭ بۇرىنعى قىزمەتكەرى ەكەنى انىقتالدى.
ايتا كەتەيىك، بۇعان دەيىن گۇل دۇكەنىندەگى قوقان-لوقىعا قاتىستى شىمكەنت پروكۋراتۋراسى تۇسىنىك بەرگەنىن جازعان ەدىك.