جەتىسۋ وبلىسى مەكتەپتەرىندە مۇعالىم تاپشى
ال الداعى جاڭا وقۋ جىلىندا جەرگىلىكتى بيۋدجەت قاراجاتى ەسەبىنەن بولىنگەن ءبىلىم بەرۋ گرانتتارى اياسىندا وقۋىن اياقتايتىن 202 تۇلەكتى جۇمىسقا ورنالاستىرۋ جوسپارلانىپ وتىر. بۇل تۋرالى وبلىستىق ءبىلىم بەرۋدى دامىتۋ وقۋ-ادىستەمەلىك ورتالىعىنىڭ ديرەكتورى عاليا مۇحمەتوۆا بريفينگ كەزىندە ايتتى، دەپ مالىمدەدى جەتىسۋ وبلىسى اكىمىنىڭ باسپا ءسوز قىزمەتىنەن. دەگەنمەن ءوڭىر مەكتەپتەرىنە ماتەماتيكا، ورىس ءتىلى مەن ادەبيەتى، فيزيكا، حيميا ءپانىنىڭ مۇعالىمدەرى ءالى دە قاجەت.
پەداگوگ كادرلارعا قاجەتتىلىك ماسەلەسىن شەشۋ ماقساتىندا جەرگىلىكتى بيۋدجەت قاراجاتى ەسەبىنەن ءبىلىم بەرۋ گرانتتارى تاعايىندالىپ جاتىر.
«بيىل 2022-2023 وقۋ جىلىن 6545 تۇلەك اياقتاسا، سونىڭ 5170 ى ۇلتتىق ءبىرىڭعاي تەست تاپسىرعان. تۇلەكتەرگە جەتىسۋ وبلىسى اكىمىنىڭ 100 گرانتى تاعايىندالدى. ونىڭ 60 ى الەۋمەتتىك ءالجۋاز ساناتتان شىققان تۇلەكتەرگە، 40 ى جالپى كونكۋرس بويىنشا بولىنەدى. باسىمدىلىققا ادەتتەگىدەي ءبىلىم، مەديتسينا، اۋىل شارۋاشىلىعى مەن تەحنيكالىق ماماندىقتار يە»، - دەيدى وبلىستىق ءبىلىم باسقارماسىنىڭ ادىسكەرى گۇلميرا احمەتوۆا.