پاۆلوداردا تاكسيست جولاۋشىنى ۇمىتىپ كەتكەن - ۆيدەو

پاۆلودار. قازاقپارات - پاۆلودار وبلىسىندا تاكسي جۇرگىزۋشىسى جولاۋشىنى وتىرعىزباستان ءجۇرىپ كەتكەن. الەۋمەتتىك جەلىدە تاراعان ۆيدەوعا قاتىستى پوليتسيا مالىمەت بەردى، دەپ حابارلايدى قازاقپارات.

پاۆلودار قالاسىنداعى ارعىنبايەۆ كوشەسى بويىندا بولعان وقيعا دالاداعى ۆيدەوكامەراعا ءتۇسىپ قالعان.

ەگدە جاستاعى ايەل تاكسي شاقىرعان. كەلگەن كولىكتىڭ ارتقى ەسىگىن اشىپ، الدىمەن ازىق- تۇلىك، ءاميان، تەلەفون سالىنعان قول سومكەسىن ورىندىققا قويىپ، ەسىكتى جاپقان. ءوزى كولىكتىڭ ەكىنشى جاعىنان وتىرماق بولعان. الايدا، ماشينانىڭ ارعى بەتىنە اينالىپ بارامىن دەگەنشە، كولىك ونى تاستاپ كەتىپ قالعان.

«تۇرعىننىڭ پاۆلودارلىق تۋىستارى دەرەۋ پوليتسياعا قوڭىراۋ شالىپ، وقيعا تۋرالى حابارلادى. شاقىرۋعا كەلگەن ۋچاسكەلىك پوليتسيا ينسپەكتورى تاكسي جۇرگىزۋشىسىن انىقتادى. جۇرگىزۋشى تۇسىندىرگەندەي، ول قالا تۇرعىنىنىڭ كولىككە وتىرماعانىن بايقاماعان جانە بولعان وقيعا ءۇشىن كەشىرىم سۇرادى. سومكە قالا تۇرعىنىنا قايتارىلدى»، - دەلىنگەن پوليتسيا مالىمەتىندە.