قازىعۇرتتا ەكى كولىك ءتۇرلى-ءتۇستى ماياك ورناتىپ، تىركەۋ ءنومىرىنسىز توي كورتەجىندە جۇرگەن

تۇركىستان. قازاقپارات - ءى ءى م تۇركىستان وبلىسىندا جول ەرەجەسىن ورەسكەل بۇزعان جۇرگىزۋشىلەر انىقتالعانىن مالىمدەدى، دەپ حابارلايدى قازاقپارات.

«الەۋمەتتىك جەلىلەرگە مونيتورينگ جۇرگىزۋ بارىسىندا، توي كورتەجىندە جول ەرەجەسىن ساقتاماعان جانە رۇقسات ەتىلمەيتىن قىزىل-كوك ءتۇستى ماياك ورناتىپ، ءتىپتى مەملەكەتتىك تىركەۋ ءنومىرىنسىز تراسسادا ەمىن-ەركىن جۇرگەن ەكى كولىكتىڭ بەينەجازباسى بەلگىلى بولدى.

قۇقىق بۇزۋشىلىق قازىعۇرت اۋدانىندا بولعان. ۆاز 21015 كولىگى انىقتالىپ، ونىڭ جۇرگىزۋشىسىنە ق ر ا ق ب ت ك 590-بابى 2-بولىگى، 603-بابى 2-بولىگى، 601-بابى 1-بولىگى بويىنشا جاۋاپقا تارتىلدى»، - دەپ جازدى قۇزىرلى ورگاننان.

جۇرگىزۋشى كىناسىن تولىق مويىندادى.

ال بەينەجازباداعى ەكىنشى Lada Granta كولىگىن باسقارعان شىمكەنتتىك تۇرعىننىڭ جەكە باسى انىقتالىپ، ءتارتىپ ساقشىلارىمەن ىزدەستىرۋ جۇمىستارى جۇرگىزىلۋدە.