شىعىس قازاقستاندا تۇزەتۋ مەكەمەسىندە جازاسىن وتەۋشى حاكىم ابايدىڭ پورترەتىن سالدى
ش ق و بويىنشا ق ا ج دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، سوتتالعان ازامات ابايدىڭ سۋرەتىن سالىپ، ولەڭىن جاتقا وقىدى.
№16-تۇزەتۋ مەكەمەسىندە جازاسىن وتەپ جاتقان ول اسا اۋىر قىلمىس جاساعانى ءۇشىن جيىرما جىلعا باس بوستاندىعىنان ايىرىلعان. ونىڭ ايتۋىنشا، شىعارماشىلىقپەن بالا كەزىنەن اينالىسقان. اسىرەسە، سۋرەت سالعاندى جاقسى كوردى. ەركىندىكتەن ايىرىلعان ءساتتىڭ العاشقى كۇندەرىنەن- اق قولىنا قارىنداش الىپ ءتۇرلى سۋرەت سالا باستاعان.
«اباي قۇنانباي ۇلىنىڭ ولەڭدەرى ەسىمنەن ەش ۋاقىتتا شىقپايدى. ءبىراق، ونىڭ ءار ءسوزىنىڭ دانالىقپەن ايتىلعانىن ەندى عانا تۇسىنگەندەيمىن. ۇلى اقىننىڭ تۋعان كۇنى قارساڭىندا ونىڭ پورترەتىن سالۋدى ءجون كوردىم. وسىنداي سۋرەتكە قاراپايىم قارىنداش قانا كەرەك بولدى»، - دەيدى سوتتالعان.
وسى رەتتە، مەكەمە پسيحولوگى چينارا يبرايەۆا بەينەلەۋ ونەرى سوتتالعانداردىڭ جەكە تۇلعاسىن، شىعارماشىلىق الەۋەتىن دامىتۋدىڭ ءتيىمدى ادىستەرىنىڭ ءبىرى ەكەنىن اتاپ ءوتتى.