استانادان بودرۋمعا ۇشقان ۇشاق اقتاۋعا قونۋعا ءماجبۇر بولدى

استانا. قازاقپارات - استانادان بودرۋمعا ۇشقان ۇشاقتان اقاۋ شىعىپ، اقتاۋعا قونۋعا ءماجبۇر بولدى، دەپ حابارلايدى قازاقپارات ءتىلشىسى.

بوردتا 163 جولاۋشى بولعان. ولار 8 ساعات بويى استانادان باسقا ۇشاقتىڭ جىبەرىلۋىن كۇتكەن. ال اقاۋ «AirAstana» - نىڭ اۋە كەمەسىنەن شىققان. سەبەبى انىقتالىپ جاتىر.

ايتا كەتەيىك، زاڭ بويىنشا ۇشاقتىڭ ءار كەشىككەن ساعاتىنا بيلەت قۇنىنىڭ 3 پايىزى تولەنۋى ءتيىس. ول ءۇشىن جولاۋشى اۋە كومپانياسىنىڭ سايتىنا كىرىپ، ءوتىنىش قالدىرۋى ءتيىس. «بۇگىن استانا ۋاقىتىمەن 19:20 دا قوسىمشا ۇشاق اقتاۋدان بودرۋمعا كەشىككەن رەيستىڭ 163 جولاۋشىسىن دىتتەگەن جەرىنە جەتكىزبەك. بۇگىنگى رەيستىڭ كەشىگۋ سەبەبى - ول وتىن جۇيەسىندەگى اقاۋ. كەشىگۋدىڭ ءار ءبىر ساعاتى ءۇشىن 3 پايىزدى تولەيمىز»، - دەدى «Air Astana» اۋە كومپانياسىنىڭ كورپوراتيۆتىك كوممۋنيكاتسيالار جونىندەگى مەنەدجەرى تىلەك ءابدىراقىموۆ.