ەكىباستۇزدىق ارداگەر پرەزيدەنتتەن جىلۋعا قاتىستى ماسەلەنى جەكە باقىلاۋىنا الۋدى سۇرادى

ەكىباستۇز. قازاقپارات - ەكىباستۇز قالالىق ارداگەرلەر كەڭەسىنىڭ ءتوراعاسى سامات رامازانوۆ پرەزيدەنتتەن جىلۋ جۇيەسىندەگى جوندەۋ جۇمىستارىن جەكە باقىلاۋىنا الۋدى جانە قالالىق «شاحتەر» ساياباعىن جوندەۋدى سۇرادى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسى قاسىم- جومارت توقايەۆ قالانى اباتتاندىرۋ ماسەلەسى شەشىلەتىنىن ايتتى.

«ورىندى ساۋال. جالپى، ەكىباستۇز - وتە كەرەمەت قالا. مەن ءوزىم بۇل قالانى جاقسى كورەمىن. بۇل قالانى اباتتاندىرۋدى قامتاماسىز ەتۋ كەرەك. مىندەتتى تۇردە. سوندىقتان مۇنداي تاپسىرمانى اكىمشىلىككە بەرىپ جاتىرمىن. بۇل جۇمىس ورىندالادى. بۇل ماسەلە بويىنشا ەشقانداي كۇمان جوق. تەك قانا ساياباق ەمەس، باسقا ماسەلەلەر دە بار. بۇل تۇيتكىلدەردىڭ ءبارىن مىندەتتى تۇردە شەشۋ كەرەك. اكىم جاڭادان تاعايىندالدى. سوندىقتان جۇمىس وتە كوپ»، - دەدى قاسىم- جومارت توقايەۆ قالا تۇرعىندارىمەن كەزدەسۋ كەزىندە.

ەسكە سالايىق، پرەزيدەنت ق. توقايەۆ جۇمىس ساپارىمەن پاۆلودار وبلىسىندا ءجۇر.

مەملەكەت باسشىسى ەكىباستۇزداعى جىلۋ ەلەكتر ورتالىعىندا جۇرگىزىلىپ جاتقان جوندەۋ جۇمىستارىمەن تانىستى.

پرەمەر- ءمينيستردىڭ ءبىرىنشى ورىنباسارى رومان سكليار ەكىباستۇز قالاسىنداعى جىلۋمەن قامتۋ جۇيەسىن جاڭعىرتۋعا ۇكىمەت تاراپىنان كورسەتىلگەن قولداۋ شارالارى تۋرالى باياندادى.

ق. توقايەۆ جەو جاعدايىمەن تانىسقان سوڭ جەرگىلىكتى تۇرعىندارمەن اڭگىمەلەستى.

ەسكە سالساق، بىلتىر 27- قاراشادا ەكىباستۇز جەو- دا بىرنەشە قازاندىق ىستەن شىعىپ، قالا جىلۋسىز قالعان ەدى.