شىمكەنتتە دۇكەندەرگە شاتىر ارقىلى كىرگەن اككى ۇرى ۇستالدى
اباي اۋداندىق پوليتسيا بولىمىنە بىردەي مازمۇندا ءۇش ارىز تۇسكەن. زارداپ شەككەندەر - «قاينار بۇلاق» ساياجايىنىڭ اۋماعىندا ورنالاسقان دۇكەن يەلەرى. ساۋدا نۇكتەلەرىندەگى ۇرلىق تۇنگى ۋاقىتتا جاسالعان. بارلىق جاعدايدا كۇدىكتى عيماراتتاردىڭ شاتىرىن اشىپ، توبەنى بۇزۋ ارقىلى ىشكە كىرگەن.
ۇرى ەكى دۇكەننىڭ كاسساسىنان جالپى سوماسى 130 مىڭ تەڭگە جىمقىرادى. ال، ءۇشىنشى كاسىپكەردەن سمارتفون، اقشا جانە سورەدەگى الكوگولدىك سۋسىندار مەن تەمەكى ونىمدەرىن قولدى ەتكەن. وعان كەلتىرىلگەن شىعىن 1 ميلليون تەڭگەدەن استادى.
اعا تەرگەۋشى بيبارىس باگوۆ ارىپتەستەرىمەن بىرگە قىلمىس ورىندارىن، جابىرلەنۋشىلەردىڭ ايعاقتارىن مۇقيات زەرتتەپ، بارلىق كۋاگەرلەردەن جاۋاپ الدى. بەينەباقىلاۋ كامەرالارىنىڭ كومەگىمەن پوليتسەيلەر كۇدىكتىنىڭ جەكە باسىن انىقتادى. ول بۇرىن وسىعان ۇقساس قىلمىس جاساعانى ءۇشىن جاۋاپكەرشىلىككە تارتىلعان جەرگىلىكتى تۇرعىن بولىپ شىقتى. قابىلدانعان شارالاردىڭ ناتيجەسىندە جاس جىگىت ۇستالىپ، قاماۋعا الىندى.
كۇدىكتىنىڭ ساياجايداعى تاعى ەكى ۇرلىققا قاتىسى بار ەكەندىگى انىقتالدى. ول العاشىندا ءۇي اۋلاسىنان ۆەلوسيپەد ۇرلاسا، كەيىن زەينەتكەردىڭ ۇيىنەن ۇيالى تەلەفونى مەن كيىم-كەشەكتەردى جىمقىرعان.
ق ر ق ك-نىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەۋ ارەكەتتەرى جۇرگىزىلىپ جاتىر. الداعى ۋاقىتتا ءىس-قۇجاتتارى بارلىق جينالعان دالەلدەمەلەرمەن سوتقا جولدانادى.