اسايىن بايحانوۆ ەكىباستۇزدا اپاتتى بولدىرماۋ ءۇشىن ىستەلۋ كەرەك جوبالاردى اتادى

استانا. قازاقپارات - مەملەكەت باسشىسى ورامىشىلىك جانە ماگيسترالدىق جەلىلەردىڭ الداعى جىلىتۋ ماۋسىمىنا دايىندىق بارىسىن تەكسەردى، دەپ حابارلايدى قازاقپارات.

پاۆلودار وبلىسىنىڭ اكىمى اسايىن بايحانوۆتىڭ ايتۋىنشا، بۇگىندە ماگيسترالدىق جانە ورامىشىلىك جەلىلەرگە جۇرگىزىلگەن گيدراۆليكالىق سىناقتار ناتيجەسىندە انىقتالعان 304 اقاۋ جويىلىپ، 62 شاقىرىم قۇبىر مەن 95 دانا بەكىتۋ ارماتۋراسىنىڭ 76 سى اۋىستىرىلدى. سونداي-اق، ۇكىمەت رەزەرۆىنەن بولىنگەن قاراجات ەسەبىنەن 5,4 شاقىرىم جىلۋ ماگيسترالى جاڭارتىلىپ جاتىر.

جالپى، وبلىس اكىمدىگىنىڭ مالىمەتى بويىنشا، ەكىباستۇزداعى اپاتتى جاعدايلاردىڭ الدىن الۋ ءۇشىن ەكى جوبانى ىسكە اسىرۋ اسا قاجەت. ءبىرىنشى جوبا - ەكىباستۇز ج ە و- نا تەحنيكالىق سۋدىڭ ۇزدىكسىز بەرىلۋىن قامتاماسىز ەتەتىن ماگيسترالدىق قۇبىر قۇرىلىسى. ەكىنشىسى - جاڭا جىلۋ ماگيسترالىنىڭ قۇرىلىسى. بۇل قالانىڭ ءتورت شاعىن اۋدانىنداعى جىلۋ جۇيەسىنىڭ تەڭگەرىمدىلىگىن قامتاماسىز ەتىپ، 9 مىڭنان استام قالا تۇرعىنىن جىلۋمەن قامتاماسىز ەتۋ پارامەترلەرىن ايتارلىقتاي جاقسارتادى.

سونىمەن قاتار، پرەزيدەنتكە ەكىباستۇز جىلۋ جۇيەسىن جاڭعىرتۋعا ۇكىمەت قانداي كومەك كورسەتكەنى باياندالدى.

پرەمەر-ءمينيستردىڭ ءبىرىنشى ورىنباسارى رومان سكليار ەكىباستۇز قالاسىنداعى جىلۋمەن قامتۋ جۇيەسىن جاڭعىرتۋعا ۇكىمەت تاراپىنان كورسەتىلگەن قولداۋ شارالارى تۋرالى باياندادى.