قازاقستانعا تۋريست رەتىندە كەلىپ، رەسەيگە زاڭسىز وتپەك بولعان شەتەلدىكتەر ۇستالدى - ۇ ق ك

استانا. قازاقپارات - شەكاراشىلار رەسەي فەدەراتسياسى اۋماعىنا قاراي مەملەكەتتىك شەكارانى زاڭسىز كەسىپ وتۋگە ارەكەت جاساعان بەس شەتەل ازاماتىن ۇستادى، دەپ حابارلايدى قازاقپارات ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

«ۇ ق ك ش ق باتىس قازاقستان وبلىسى بويىنشا دەپارتامەنتىنىڭ شەكاراشىلارى 4-تامىزدا بەلگىلەنگەن وتكىزۋ پۋنكتەرىنەن تىس جەردەن رەسەي فەدەراتسياسى اۋماعىنا قاراي مەملەكەتتىك شەكارانى زاڭسىز كەسىپ وتۋگە ارەكەت جاساعان بەس شەتەل ازاماتىن ۇستادى. ولار قازاقستان رەسپۋبليكاسىنا اۋە جولىمەن تۋريست رەتىندە كەلگەن. الدىن الا مالىمەت بويىنشا، جاقسى ءومىر ءسۇرۋ جاعدايىن ىزدەپ ەۋرووداق ەلدەرىنە جول تارتقان. ۇستالعاندار باتىس قازاقستان وبلىسى تاسقالا اۋداندىق سوتىنىڭ قاۋلىسىمەن اكىمشىلىك جاۋاپكەرشىلىككە تارتىلىپ، ەل اۋماعىنان شىعارىلدى»، - دەلىنگەن رەسمي حابارلامادا.