قاي ەلدىڭ تۋريستەرى قازاقستاندا ۇزاق ساياحاتتايدى
eQonaq اقپاراتتىق جۇيەسىنىڭ دەرەگى بويىنشا تۋريستىك ماقساتپەن كەلگەن ا ق ش، گەرمانيا، وڭتۇستىك كورەيا جانە ءۇندىستان ازاماتتارى قازاقستاندا ورتا ەسەپپەن 4 كۇن وتكىزەدى.
ەلىمىزدە ايالداۋ مەرزىمى بويىنشا وزبەكستان ازاماتتارى كوش باستاپ تۇر. كورشى ەلدىڭ تۋريستەرى قازاقستاندا 10 كۇنگە دەيىن توقتايدى.
ال، رەسەيلىك تۋريستەر 6 كۇن، بەلارۋس ازاماتتارى 5 كۇن، گەرمانيا تۋريستەرى 4 كۇن بولسا، قىتاي ازاماتتارى ەلىمىزدە 3,5 كۇن وتكىزەدى.
«eQonaq جۇيەسى - ەلىمىزگە كەلگەن تۋريستەر اعىنىن باقىلاۋ جانە تالداۋ، ورنالاستىرۋ ورىندارىنىڭ ءتىزىلىمىن قۇرۋ جانە ت. ب. بىرنەشە ماڭىزدى فۋنكسيانى ورىندايدى. باستى ماقسات - تۋريستەرگە كورسەتىلەتىن قىزمەتتەردىڭ اشىقتىعى مەن ساپاسىن ارتتىرۋ. جۇيەگە 3214 ورنالاسۋ قىزمەتىن ۇسىناتىن كاسىپكەرلىك نىسانى تىركەلگەن»، - دەيدى مادەنيەت جانە سپورت مينيسترلىگىنىڭ باسپا ءسوز حاتشىسى ءمولدىر ابدۋاليەۆا.