سوتتالعانداردىڭ جۇمىس تاپپاي، قوعامعا قايتا بەيىمدەلە الماۋىنا نە سەبەپ
«باس بوستاندىعىنان ايىرىلىپ، جازاسىن وتەپ شىققاندار جۇمىسقا ورنالاسۋدا قيىندىقتارعا تاپ بولادى. وسى ورايدا ولاردى ەڭبەكپەن قامتۋدا ىنتالاندىرۋ جۇيەسىن ەنگىزۋ ۇسىنىلادى. اتاپ ايتقاندا، سالىق رەجيمى بويىنشا جەڭىلدىكتەر جاساۋ. سوتتالعانداردىڭ جۇمىسقا ورنالاسۋىنا كەدەرگى كەلتىرەتىن تاعى ءبىر پروبلەما ولاردىڭ سوزىلمالى اۋرۋلارعا شالدىعۋى. تۇراقتى جۇمىسى بولماعاندىقتان ءىستى بولعان ازاماتتارعا ەشقانداي تولەم جاسالمايدى»، - دەدى استانا قالاسى پوليتسيا دەپارتامەنتىنىڭ جەرگىلىكتى پوليتسيا قىزمەتى باسقارماسىنىڭ باستىعى ارمان ايتماعامبەتوۆ ەلوردا ءماسليحاتىندا وتكەن وتىرىستا.
ونىڭ ايتۋىنشا، ءىستى بولعانداردىڭ مامانداندىرىلعان مەديتسينالىق كومەك الۋعا دا قۇقىعى جوق.
«ولاردى ەمدەۋ جانە وڭالتۋ ماسەلەسىن قالالىق دەنساۋلىق ساقتاۋ ۇيىمدارى بازاسىندا ىسكە اسىرۋ ۇسىنىلادى. ودان بولەك، اتالعان ساناتتاعى ازاماتتاردىڭ جۇمىسقا ورنالاسۋىنا سوت اۋىرتپالىقتارى مەن اتقارۋشىلىق قۇجاتتاردىڭ بولماۋى كەدەرگى كەلتىرەدى. بۇل جاعدايدا مۇلىكتىك تالاپتاردى ءىشىنارا وتەۋ ءۇشىن بانك كارتالارىن ۋاقىتشا بۇعاتتان شىعارۋ ۇسىنىلادى»، - دەيدى ول.
استانالىق پوليتسيا وكىلىنىڭ مالىمدەۋىنشە، بۇرىن ءىستى بولعانداردىڭ قىلمىسقا قايتا بارماۋى جانە ولاردى قوعامعا بەيىمدەۋ بارلىق مۇددەلى ورگانداردىڭ بىرلەسكەن، جۇيەلى جۇمىسىن تالاپ ەتەدى.
اۆتور:
داۋلەت ىزتىلەۋ