ديماش قۇدايبەرگەن تىڭ چەللەندج باستادى

استانا. قازاقپارات - تانىمال ءانشى ديماش قۇدايبەرگەن قازاقتىڭ ۇلى اقىنى اباي قۇنانباي ۇلىنىڭ تۋعان كۇنى قارساڭىندا تىڭ چەللەندج باستادى، دەپ حابارلايدى قازاقپارات.

«اسسالاۋماعالەيكۋم، قۇرمەتتى دوستار، وتانداستار! حاكىم اباي اتامىزدىڭ مەرەيتويى قارساڭىندا ادەمى چەللەندج باستاعالى وتىرمىز. اباي اتامىزدىڭ ءدال مەن سەكىلدى جۇرەكتەرىڭىز قالاعان كەز كەلگەن شىعارماسىن جاتتاپ نەمەسە وقىپ، ءدال وسىلاي بەينەتاسپاعا ءتۇسىرىپ، جەلىگە سالىپ، تاراتاتىن بولساڭىزدار، چەللەندجىمىزدىڭ باستالعانى دەپ بىلەمىن»، - دەدى ءانشى Instagram پاراقشاسى ارقىلى وقىرمانىنا جولداعان چەللەندجىندە.

ديماش قۇدايبەرگەن بەينەۇندەۋ بارىسىندا اباي قۇنانباي ۇلىنىڭ «عىلىم تاپپاي ماقتانبا» ولەڭىن جاتقا وقىدى.

«بۇل چەللەندجدى الەمدەگى بارلىق جانكۇيەرلەرىمە جانە ونەردەگى ارىپتەستەرىمە جولداعىم كەلەدى. ەلىمىز امان، جۇرتىمىز تىنىش بولعاي»، - دەپ اتاپ وتەدى ءانشى ءسوز سوڭىندا.