قور نارىعىندا دوللار ارزاندادى

الماتى. قازاقپارات - قازاقستان قور بيرجاسىنداعى (KASE) ساۋدا- ساتتىق قورىتىندىسى بويىنشا، 1 دوللاردىڭ تەڭگەگە قاتىستى باعامى ارزاندادى، دەپ حابارلايدى قازاقپارات ءتىلشىسى.

كۇندىزگى ساۋدا- ساتتىق مالىمەتىنە قاراعاندا، دوللار باعامى 0,56 تەڭگەگە تومەندەپ، 1 دوللار 445,88 تەڭگە بولدى.

ايتا كەتەيىك، ۇلتتىق بانكتىڭ 8-تامىزداعى رەسمي باعامى 1 دوللار ءۇشىن 446,36 تەڭگە بولدى.

Kurs.kz مالىمەتىنشە، الماتىداعى اقشا ايىرباستاۋ پۋنكتتەرىندە دوللاردىڭ ساتۋ باعامى - 446,1 تەڭگە، ساتىپ الۋ - 448,7 تەڭگە. ال استانا قالاسى بويىنشا ساتۋ باعامى 446 تەڭگەدەن بولسا، ساتىپ الۋ - 450.

الماتىدا رەسەي ءرۋبلى 4,61 - 4,83 تەڭگە ارالىعىندا ساۋدالانسا، استانادا كورشى ەل ۆاليۋتاسى 4,68 - 4,78 تەڭگەدەن ساتىلىپ جاتىر.