اسىعىستىق تانىتتى - مينيستر الماتىداعى ءورت كەزىندە تەرەزەدەن سەكىرگەندەر جايىندا

استانا. قازاقپارات - ق ر توتەنشە جاعدايلار ءمينيسترى سىرىم ءشارىپحانوۆ الماتىداعى ءورت تۋرالى پىكىر ءبىلدىرىپ، بيىك ۇيگە ارنالعان اۆتوباسپالداق تۋرالى ايتتى، دەپ حابارلايدى قازاقپارات ءتىلشىسى.

1-تامىز كۇنى الماتىدا 16 قاباتتى ءۇي ورتەنگەن ەدى. امالى قالماعان تۇرعىندار بالالارىن تەرەزەدەن لاقتىرىپ، ارتىنان وزدەرى دە سەكىرۋگە ءماجبۇر بولعان.

«اۆتوباسپالداق بار، ءبىز 16-قاباتتان ادامداردى ەۆاكۋاتسيالاۋعا مۇمكىندىك بەرەتىن ءۇش اۆتوباسپالداق قويعان ەدىك. قۇرىلىسشىلاردىڭ كومەگىنە كەلسەك، ولار جاقىن جەردە - تۇرعىن ءۇي كەشەنىنەن 300 مەتر قاشىقتىقتا بولعان جانە تەزىرەك كومەككە كەلگەن. ءبىزدىڭ بولىمشەلەر 8 مينۋتتا كەلىپ، تالاپتارعا سايكەس جۇمىس ىستەدى»، - دەپ ءتۇسىندىردى سەرىك ءشارىپحانوۆ ۇكىمەت كۋلۋارىندا.

ونىڭ ايتۋىنشا، كەيبىر تۇرعىنداردىڭ تەرەزەدەن سەكىرۋى - اسىعىستىق سالدارى. ولار دۇربەلەڭگە بوي الدىرعان.

«ولار سەكىرگەن سوڭ، بىرەر مينۋتتان كەيىن ءبىزدىڭ قىزمەتكەرلەر وسى پاتەرلەرگە كىرىپ، ادامداردى ەۆاكۋاتسيالادى. اتاپ ايتقاندا، سەكىرگەن ايەلدەردىڭ ەگدە جاستاعى تۋىسى قۇتقارىلدى. وزدەرىڭىز كورىپ وتىرعانداي، بالكونعا شىعىپ، ءتۇتىن كىرمەۋى ءۇشىن ەسىكتى جاۋىپ، كۇتۋگە بولار ەدى. كوپتەگەن ادامدار سياقتى قۇتقارۋشىلاردىڭ كومەگىن كۇتۋ كەرەك ەدى»، - دەپ تولىقتىردى مينيستر.

ايتا كەتەيىك، بۇعان دەيىن حابارلانعانداي، 2024 -جىلدان باستاپ توتەنشە جاعدايلار مينيسترلىگى سالىنىپ جاتقان ۇيلەردىڭ ءورت قاۋىپسىزدىگىن تەكسەرۋدى باستايدى.