شەتەلدىك ازامات الماتى اۋەجايىنداعى قىلىعى ءۇشىن جازالاندى
تەكسەرۋ بارىسىندا كولىك پوليتسەيلەرى 48 جاستاعى ءۇندىستان ازاماتىن انىقتادى. ول ۇشاققا وتىرعىزۋ كەزىندە ماساڭ كۇيدە بولعان ەر ازامات ءوزىن وتە دورەكى ۇستاپ، بالاعات سوزدەر ايتىپ، قوعامدىق ءتارتىپتى بۇزعان.
اۋە كەمەسى كومانديرىنىڭ اكتىسى بويىنشا ءتارتىپ بۇزۋشى ۇشاقتان ءتۇسىرىلىپ الىندى.
مەديتسينالىق كۋالاندىرۋ قورىتىندىسىنا سايكەس، قۇقىق بۇزۋشىدا الكوگولدىك ماساڭدىقتىڭ ورتاشا دارەجەسى انىقتالدى.
شەتەل ازاماتىنا قاتىستى ق ر ا ق ب ت ك 440-بابىنىڭ 1-بولىگى ياعني، الكوگولدىك ىشىمدىكتەردى ءىشۋ نەمەسە قوعامدىق ورىنداردا ماساڭ كۇيىندە كەلۋ بويىنشا اكىمشىلىك حاتتاما تولتىرىلىپ، 5 ا ە ك مولشەرىندە اكىمشىلىك ايىپپۇل سالىندى.
ەسكە سالايىق، جىل باسىنان بەرى دەپارتامەنت قىزمەتكەرلەرىمەن ءتۇرلى اكىمشىلىك قۇقىقبۇزۋشىلىقتار ءۇشىن 28301 تۇلعا اكىمشىلىك جاۋاپكەرشىلىككە تارتىلدى، ونىڭ ىشىندە الكوگولدىك ىشىمدىكتەر ىشكەنى نەمەسە قوعامدىق ورىنداردا ماساڭ كۇيىندە بولعاندار - 2915.