شىعىس قازاقستاندا وزەن جاعاسىنان تاعى دا ادام ءمايىتى تابىلدى

وسكەمەن. قازاقپارات - شىعىس قازاقستان وبلىسىندا تامىز ايى باستالعالى وزەن جاعاسىنان ەكىنشى ادامنىڭ ءمايىتى تابىلدى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، پوليتسياعا گلۋبوكوە اۋدانى تاۋلى ءۇلبى اۋىلىنداعى ءۇلبى وزەنىنىڭ جاعاسىندا ادام ءمايىتى جاتقاندىعى جايلى حابار تۇسكەن.

«سول جەرگە اتتانعان ءتارتىپ ساقشىلارى ەر ادامنىڭ ءمايىتىن تاپتى. ونىڭ ناقتى نەدەن مەرت بولعانى ءتيىستى ساراپتاما جۇمىستارىنان كەيىن بەلگىلى بولماق. قالعان اقپارات ق ر قىلمىستىق- پروتسەستىك كودەكستىڭ 201-بابىنا سايكەس (سوتقا دەيىنگى تەرگەپ- تەكسەرۋ دەرەكتەرىن جاريا ەتۋگە جول بەرمەۋ) جاريا ەتىلمەيدى»، - دەلىنگەن اقپاراتتا.

ەسكە سالساق، بۇل - تامىز ايى باستالعالى شىعىس قازاقستانداعى وزەندەردىڭ جاعاسىنان تابىلعان ەكىنشى ءمايىت. 1- تامىز كۇنى ريددەر قالاسى تۇرعىنىنىڭ دەنەسى جۋراۆليحا وزەنىنىڭ جاعاسىنان تابىلعان بولاتىن.