ەلوردادا مەديتسينا ماماندارىنا ارنالعان جاتاقحانا سالىنادى
سونداي- اق قالادا 2153 توسەك- ورىنمەن قامتىلعان 7 رەسپۋبليكالىق جانە ۆەدومستۆولىق اۋرۋحانا بار، دەپ حابارلايدى قازاقپارات ءتىلشىسى استانا قالالىق قوعامدىق دەنساۋلىق باسقارماسىنا سىلتەمە جاساپ.
«2020 -جىلى جەرگىلىكتى بيۋدجەتتەن 243 گرانت ءبولىنىپ، وتكەن جىلى 151 جاس مامان، ال بيىل 92 مامان وقۋىن اياقتادى. 2022-2023 -جىلدارعا 19 مەديتسينالىق ماماندىقتار بويىنشا 128 ورىنعا گرانت ءبولىندى. بۇل ءۇردىس جالعاسىن تابادى، وسى ورايدا ءبىزدىڭ باسقارما 2023-2026 -جىلدارعا 131 گرانت ءبولۋ تۋرالى ءوتىنىم بەردى. ودان بولەك، مامانداردى تۇرعىن ۇيمەن قامتۋ ماسەلەسى ماڭىزدى. بۇل ورايدا قالا اكىمدىگى جۇمىس ىستەيتىن جاستار ءۇشىن ساتىپ الۋ قۇقىعىنسىز جالعا بەرىلەتىن تۇرعىن ءۇي جانە تۇرعىن ۇيگە مۇقتاج جان رەتىندە جەرگىلىكتى اتقارۋشى ورگانداردا ەسەپتە تۇرعان ازاماتتار ءۇشىن «شاڭىراق» باعدارلاماسىن ىسكە قوستى. سونىمەن قاتار، ەلوردا جاستارىن تۇرعىن ۇيمەن قامتاماسىز ەتۋدىڭ قوسىمشا قۇرالى رەتىندە «ەلوردا جاستارى» جەڭىلدەتىلگەن نەسيە بەرۋ باعدارلاماسى بەكىتىلدى»، - دەلىنگەن دەنساۋلىق ساقتاۋ باسقارماسىنىڭ حابارلاماسىندا.
سونداي- اق، باسقارمادان مەديتسينا كادرلارىن ىنتالاندىرۋ ماقساتىندا ارنايى جاتاقحانا سالىناتىنى ايتىلدى.
«بىلىكتى كادرلاردى تارتۋ ماقساتىندا اكىمدىك مەديتسينا قىزمەتشىلەرىنە ارنالعان 1 جاتاقحانا سالۋ بويىنشا جۇمىس جۇرۋدە. ول الماتى اۋدانىندا استانا- قاراعاندى تاس جولىنىڭ بويىندا سالىنباق. سونىمەن قاتار مەديتسينا قىزمەتكەرلەرى ءۇشىن قوسىمشا الەۋمەتتىك قولداۋ شارالارى قاراستىرىلىپ جاتىر. مىسالى: تۇرعىن ءۇيدى جالعا الۋدىڭ ءىشىنارا تولەمى جانە 2 بازالىق لاۋازىمدىق جالاقى مولشەرىندە بونۋستىق تولەم جانە تەگىن جۇرەتىن قوعامدىق كولىك كولىك كارتالارىن بەرۋ»، - دەيدى ۆەدومستۆودان.
اقپاراتتا ايتىلعانداي، قازىرگى ۋاقىتتا ەلوردا تۇرعىندارى تولىقتاي ەلەكتروندىق دەنساۋلىق پاسپورتىنا كوشكەن.
«بۇگىندە ءار تۇرعىنعا ەلەكتروندىق دەنساۋلىق پاسپورتى جاسالدى. مەديتسينالىق اقپاراتتىق جۇيە ارقىلى 3 ميلليونعا جۋىق وتىنىشكە قىزمەت كورسەتىلدى. سيفرلاندىرۋ پروتسەستەرى ەمحانالارداعى كەزەكتى 2 ەسە قىسقارتۋعا، دارىگەرلەردى قاعازباستىلىقتان بوساتۋعا جانە پاتسيەنتتەرگە كوبىرەك ۋاقىت بولۋگە مۇمكىندىك بەردى. سونداي- اق، ءبىرقاتار قىزمەتتى ونلاين الۋعا مۇمكىندىك بەرەتىن موبيلدى قوسىمشا ازىرلەندى. مىسالى، دارىگەرگە الدىن الا جازىلۋ، دارىگەردى ۇيگە شاقىرۋ جانە تاعى سول سياقتى. ودان بولەك، بيىل 6 ايدا سيرەك كەزدەسەتىن دەرتكە شالددىققان 270 ناۋقاس ءدارى- دارمەك جانە مەديتسينالىق بۇيىمدارمەن قامتاماسىز ەتىلدى»، - دەلىنگەن باسقارمانىڭ مالىمدەمەسىندە.
ەلوردانىڭ دەنساۋلىق ساقتاۋ باسقارماسىنىڭ حابارلاۋىنشا، مەديتسينالىق ۇيىمداردى جابدىقتاۋ جانە قايتا جاراقتارۋ باعىتىندا ءبىرقاتار ءىس اتقارىلدى.
2020-2022 -جىلدارى اتالعان ماقساتقا 17,4 ميلليارد تەڭگە بولىنگەن. ونىڭ ىشىندە 23 ميلليون تەڭگەسى رەسپۋبليكالىق بيۋدجەتتەن قاراستىرىلعان.