الەمنىڭ ۇزدىك ۋنيۆەرسيتەتتەرى انىقتالدى
اتاپ ايتقاندا، QS World University Rankings اياسىندا 2024 -جىلعا ارنالعان الەمدەگى ۇزدىك ۋنيۆەرسيتەتتەردىڭ جىل سايىنعى رەيتينگى جاريالاندى. العاشقى وندىقتاعى ورىنداردىڭ جارتىسى ەۋروپاعا بۇيىردى.
وسىمەن 20 جىل قاتارىنان وتكىزىلىپ وتىرعان بۇل باعالاۋ 17,5 ميلليون عىلىمي جۇمىسقا جاسالعان تالداۋدى، سونداي- اق الەمنىڭ تۇكپىر- تۇكپىرىنەن 240 مىڭنان استام مۇعالىم مەن جۇمىس بەرۋشىنىڭ پىكىرلەرىن ەسكەرە وتىرىپ جاسالعان.
سونىمەن، ا ق ش- تاعى ماسساچۋسەتس تەحنولوگيا ينستيتۋتى (MIT) 12 جىل قاتارىنان ەڭ جوعارى 100 ۇپاي جيناپ، 1-ورىندى يەلەندى.
كەمبريدج ۋنيۆەرسيتەتى ( ۇلى بريتانيا) 99,2 ۇپايمەن 2-ورىندا، ال ونىڭ جەرگىلىكتى قارسىلاسى وكسفورد ۋنيۆەرسيتەتى 98,9 ۇپايمەن 3-ورىن الدى.
رەيتينگىدە 98,3 ۇپايمەن گارۆارد ۋنيۆەرسيتەتى - ءتورتىنشى، ستەنفورد ۋنيۆەرسيتەتى 98,1 ۇپايمەن - 5-ورىندا.
سونىمەن قاتار شۆەيتساريانىڭ جوعارى تەحنيكالىق مەكتەبى، لوندون ۋنيۆەرسيتەتتىك كوللەدجى، ەدينبۋرگ ۋنيۆەرسيتەتى، پاريج عىلىم جانە ادەبيەت ۋنيۆەرسيتەتى ۇزدىكتەردىڭ قاتارىنان كورىندى.
اتالعان رەيتينگىگە قازاقستان ج و و- لارى دا ەنگەن:
- ءال- فارابي اتىنداعى قازاق ۇلتتىق ۋنيۆەرسيتەتى 230-ورىندا؛
- ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى 355- ورىندا؛
- Satbayev University 481-ورىندا؛
- م. اۋەزوۆ اتىنداعى وڭتۇستىك قازاقستان ۋنيۆەرسيتەتى 611-ورىندا؛
- قازاق ۇلتتىق اگرارلىق ۋنيۆەرسيتەتى 641-ورىندا.
بەدەلدى رەيتينگىنىڭ جالپى ۇپايى 9 كورسەتكىش نەگىزىندە انىقتالدى. بۇل تۇرعىدا اكادەميالىق بەدەل، جۇمىس بەرۋشىنىڭ تانىمالدىعى، وقىتۋشىلار مەن ستۋدەنتتەر سانى، وقىتۋشىلاردىڭ جەتىستىگى، شەتەلدىك وقىتۋشىلار بويىنشا كورسەتكىش، شەتەل ستۋدەنتتەرىنىڭ ۇلەسى، سونداي- اق حالىقارالىق زەرتتەۋ باعىتى، جۇمىسپەن قامتۋ جانە تۇراقتى دامۋ ناتيجەلەرى زەرتتەلدى.