بەيبارىس سۇلتان قاي تىلدە سويلەگەن؟
«قازاقتىڭ تۇسىنىگىندەگى بەس قارۋ قاتارىنا - ساداق، نايزا، قىلىش، ايبالتا جانە شوقپار كىرگەن.
وسى ارادا اراب جەرىنە قازاقتىڭ قارۋى قايدان باردى دەگەن سۇراق تۋادى.
اراب حاليفاتى قۇرىلعان شاقتا اراب حاليفالارى ءوزىنىڭ ۇلتىنا، قاراماعىنداعى حالىققا سەنبەي، تۇركىلەردىڭ، ونىڭ ىشىندە قىپشاقتاردىڭ جاس بالالارىن اكەلىپ، جەكە گۆارديا قۇرعان. سولارعا ارقا سۇيەيتىن بولعان. ال ولار بىرتە-بىرتە ساياسي بيلىكتى وزدەرىنىڭ قولىنا العان. وسىلايشا، بەيبارىس سۇلتان دا ەل بيلەۋشىسى اتانعان»، - دەيدى زەرتتەۋشى.
«كايردەگى بەيبارىس سۇلتان سالدىرعان مەشىتتە، داماسك قالاسىندا سۇلتان جەرلەنگەن زيراتتاعى تاقتايشالاردا «بايبارىس» دەپ جازىلعان. اراب ءتىلىنىڭ ءوزىنىڭ ەرەكشەلىكتەرى بار. وندا داۋىستى دىبىستار بەلگىلەنبەيدى. ءبىراق، عىلىمي تۇرعىدان الىپ قاراعاندا، ءارى سول كەزدە اراب ەسىمدەرىندە «باي» ءسوزى ءسوزدىڭ باسىندا كەلەتىندىكتەن، بەيبارىستى بايبارىس دەپ ايتۋعا تولىق نەگىز بار. ارابتار «بەيبارىس سۇلتان تۇرىكشە، ونىڭ ىشىندە قىپشاق تىلىندە سويلەدى» دەپ ايتادى. بۇل - تۇرىك ءتىلى مەن قىپشاق ءتىلىنىڭ اراسىندا ءبىر ايىرماشىلىق بولعانىن كورسەتەدى»، - دەيدى قايرات ساكي.