قاراعاندىداعى ۋلانۋ وقيعاسى: بۇگىن اۋرۋحانادان جاڭا دەرەكتەر جاريالاندى
دەنساۋلىق ساقتاۋ باسقارماسىنىڭ مالىمەتى بويىنشا، قازىر جانساقتاۋ بولىمىندە 6 بالا جاتىر. ولاردىڭ جاعدايى - تۇراقتى اۋىر. نەيروبوكسيرلەنگەن بولىمشەدەگەى 3 بالانىڭ جاعدايى تۇراقتى، ناشارلاۋ بەلگىلەرى جوق.
«بارلىعى - 9 ناۋقاس، ولاردىڭ ەكەۋى بالالار اۋرۋحاناسىنىڭ جانساقتاۋ بولىمىندە، قالعان جەتەۋى وبلىستىق كلينيكالىق اۋرۋحانانىڭ ينفەكتسيالىق اۋرۋلار ورتالىعىندا. ءۇش بالانى شىعارۋ جوسپارلانىپ وتىر»، - دەپ ءمالىم ەتتى باسقارمادان.
ەستەرىڭىزگە سالا كەتەيىك، 30-شىلدەدە قاراعاندى وبلىسىنىڭ بالالارعا ارناۋلى الەۋمەتتىك قىزمەت كورسەتۋ ورتالىعىندا بىرنەشە بالا ۋلانىپ، ونىڭ بىرەۋى قايتىس بولدى.
باس پروكۋراتۋرا ۋاكىلەتتى مەملەكەتتىك ورگاندار مەن اۋماقتىق پروكۋرورلارعا ەلدە وسىنداي مەكەمەلەرگە كەشەندى تەكسەرۋلەر ۇيىمداستىرۋدى تاپسىردى.
وسى ورايدا، بالا قۇقىقتارى جونىندەگى ۋاكىل دينارا زاكيەۆا بالالارعا ارنالعان مەكەمەلەردەگى كامەرالاردى تىكەلەي جەدەل باسقارۋ ورتالىعى مەن جاۋاپتى ورگاندارعا قوسۋ بويىنشا جۇمىس ءجۇرىپ جاتقانىن ايتتى.
دەنساۋلىق ساقتاۋ ءمينيسترى اجار عينيات حابارلاعانداي، ىشەك ينفەكسياسىنا جۇرگىزىلگەن سىناق تەرىس ناتيجە بەردى.
بالالاردىڭ ناقتى نەدەن ۋلانعانى بەلگىسىز.
تالداۋ ناتيجەسى بويىنشا پاتسيەنتتەردەن تاماقتان ۋلانۋ راستالمادى.