ەلوردادا سۋعا باتقان بالانى قۇتقارىپ قالعان ايەل پوليتسيا قىزمەتكەرى بولىپ شىقتى - ۆيدەو
بالا ءومىرىن قۇتقارۋ ءساتى بەينەباقىلاۋ كامەراسىنا ءتۇسىپ قالعان، دەپ حابارلايدى قازاقپارات Polisia.kz-كە سىلتەمە جاساپ.
ۆيدەودان سۋدا ەس-ءتۇسسىز جاتقان بالانى قۇتقارۋشى قىزدىڭ شىعارىپ جاتقانىن بايقاۋعا بولادى. كەيىن ونى ەر ادام جەرگە كوتەرىپ جاتقىزادى. سول ساتتە كومەككە دەمالۋشى ايەلدەردىڭ ءبىرى كەلەدى. ول شەبەر قيمىلدارمەن جۇرەك-وكپە رەانيماتسياسىن جاساپ، بالانىڭ تىنىسىن قايتاردى.
جەدەل جاردەم قىزمەتى كەلگەننەن كەيىن باسسەين قىزمەتكەرلەرى بالانى دارىگەرلەرگە تاپسىردى. قازىر ونىڭ ءومىرى مەن دەنساۋلىعىنا قاۋىپ ءتونىپ تۇرعان جوق.
اتا-اناسى بالانى قۇتقارۋعا قاتىسقانداردىڭ بارلىعىنا العىستارىن ءبىلدىردى.
بەلگىلى بولعانداي، العاشقى مەديتسينالىق كومەك كورسەتكەن ايەلدىڭ ەسىمى - نازىم ءشارىپوۆا. ول «ەسىل» اۋدانىنىڭ پوليتسيا باسقارماسىندا انىقتاۋشى بولىپ جۇمىس ىستەيدى. سول كۇنى پوليتسەي ايەل وتباسىمەن بىرگە دەمالىستا بولعان. ول قۇتقارۋ كەزىندە بالاعا زاقىم كەلتىرمەۋ ءۇشىن ەرەكشە ساقتىقپەن قيمىلداعان.