ءتورتىنشى كۇن: شيان- الماتى ۆەلوشەرۋىنە قاتىسۋشىلار گانسۋ پروۆينسياسىنا كەلدى - فوتو
ءبىر كۇن بۇرىن ۆەلوشاباندوزدار ۇلى جىبەك جولىنداعى كونە قالالاردىڭ ءبىرى جانە الەمدەگى تيتان ونەركاسىبىن دامىتۋدىڭ زاماناۋي ورتالىعى سانالاتىن كونە باودزي قالاسىن باسىپ ءوتتى. قىتايدىڭ ءوز «تيتان القابى» بار، وندا 900 دەن استام كاسىپورىن جۇمىس ىستەيدى.
سونداي-اق، باودزيدە الەمدەگى ەڭ ۇلكەن قولا مۇراجايى بار، ونى ءبىزدىڭ ۆەلوشاباندوزدار تاڭەرتەڭ تاماشالادى. تاڭەرتەڭگىلىك سالقىنمەن سپورتشىلار مۇراجايدى ارالاپ بولعان سوڭ، گانسۋ پروۆينسياسى ورنالاسقان كۋنمين تاۋ اسۋلارىن باعىندىرۋعا اتتاندى.
بۇل تاۋلى ايماقتا قىتايلىق جول قۇرىلىسشىلارى جۇزدەگەن تۋننەل قازعان، ال ەڭ ۇزىنى - 32 شاقىرىم. وسى تاۋ اسۋلارىن تۋننەلدەردىڭ ەڭ كۇردەلى جەلىلەرىمەن كەسىپ ءوتىپ، قىتاي تابيعي تاۋ لاندشافتىن، سونداي-اق وسى جەرلەردىڭ فلوراسى مەن فاۋناسىن ساقتاپ قالدى. ادەمى تاۋ پەيزاجى، تاريحي ەسكەرتكىشتەر مەن ەجەلگى جىبەك جولىنىڭ جادىگەرلەرى دوستىق پەن بەيبىتشىلىك ۆەلوشەرۋىنە قاتىسۋشىلارىمىزدى از ۋاقىتتىڭ ىشىندە تاڭعالدىردى.
ولاردىڭ الدىندا ءالى 3000 شاقىرىمنان استام جول بار، ونىڭ ءبىر بولىگى گانسۋ ولكەسىنىڭ سازدى دالالارى مەن اڭعارلارى، شىڭجاڭنىڭ قۇرعاق جانە جانسىز شولدەرى ارقىلى وتەدى.
«شيان- الماتى» دوستىق پەن بەيبىتشىلىك تاريحي ۆەلوشەرۋىنە قاتىسۋشىلارعا كۇش- قۋات، دەنساۋلىق جانە توزىمدىلىك تىلەي وتىرىپ، ولاردى قازاقستاندا كۇتەمىز.