تەمىرتاۋ بالالار اۋىلىنىڭ تۇلەكتەرىنە جاسوسپىرىمدەر ءۇيى سىيعا تارتىلدى

قاراعاندى. قازاقپارات - «حالىق» قايىرىمدىلىق قورى تەمىرتاۋ بالالار اۋىلىنىڭ تۇلەكتەرىنە جاسوسپىرىمدەر ءۇيىن سىيلادى.

جەتىم بالالار وندا ءومىر سۇرە الادى جانە قالا ومىرىنە اۋىرتپالىقسىز كىرىسە الادى، دەپ حابارلايدى قازاقپارات وبلىس اكىمدىگىنىڭ باسپا ءسوز قىزمەتىنە سىلتەمە جاساپ.

جاڭا جاسوسپىرىمدەر ءۇيى قاراعاندىنىڭ وڭتۇستىك- شىعىسىندا ورنالاسقان. «حالىق» قايىرىمدىلىق قورى ول ءۇشىن تۇرعىن ءۇي كەشەندەرىنىڭ بىرىندە ءتورت بولمەلى پاتەر ساتىپ الدى. جاڭا وتباسىلىق ءۇيدىڭ اۋدانى - 140 شارشى مەتر.

«ىڭعايلى جاسوسپىرىمدەر ۇيىندە 16 جاستان 18 جاسقا دەيىنگى جەتى بالا تۇرادى. ولار قاراعاندى كوللەدجدەرى مەن جوعارى وقۋ ورىندارىندا وقيدى. وسىنداي بالالار ءۇشىن جاسوسپىرىمدەر ۇيلەرىن اشا وتىرىپ، ءبىز ولاردى قالالىق ورتاعا ۇيرەتكىمىز كەلەدى»، - دەپ اتاپ ءوتتى «حالىق» ق ق باسقارۋشى ديرەكتورى ناريمان ءابىلشايىحوۆ.

جاسوسپىرىمدەر ۇيىنە كوشۋ قوعامعا ءبىرقالىپتى الەۋمەتتەنۋ مەن ينتەگراتسيانى قامتاماسىز ەتۋگە مۇمكىندىك بەرەدى.

تۇلەكتەر تالىمگەرلەردىڭ باقىلاۋىمەن ءومىر سۇرەدى. ءۇيدىڭ جانىندا بارلىق قاجەتتى ينفراقۇرىلىم بار.

«ۇلكەن قالاعا كوشۋ - ءبىر كەزدەرى اتا- اناسىنىڭ نازارىنان تىس قالعان جاستاردىڭ الەۋمەتتەنۋى مەن ءوز بەتىنشە ءومىر ءسۇرۋى ءۇشىن جاسالعان ماڭىزدى قادام. جاسوسپىرىمدەر ۇيىندە جايلى ءومىر ءسۇرۋ ءۇشىن بارلىق جاعداي بار: تۇرمىستىق تەحنيكا مەن جيھاز»، - دەپ اتاپ ءوتتى «SOS قازاقستان بالالار اۋىلدارى» كورپوراتيۆتىك قورىنىڭ ۇلتتىق ديرەكتورى گۇلجان اسانوۆا.

ءۇيدىڭ جانىندا دۇكەندەر، ءدارىحانالار، ايالدامالار، ساياباقتار بار. ءبىراق باستى ارتىقشىلىعى - وقۋ ورىندارىنا نەبارى 20 مينۋت ىشىندە جەتۋگە بولادى.

قور جەتىمدەردى تۇرعىن ۇيمەن قامتاماسىز ەتۋ جونىندەگى جۇمىستى ودان ءارى جالعاستىرۋعا نيەتتى.