كۇيەۋى - قازاق. جاڭادان تاعايىندالعان ا ق ش-تىڭ الماتىداعى باس كونسۋلى قازاقستانعا كەلدى

الماتى. قازاقپارات - جاڭادان تاعايىندالعان ا ق ش-تىڭ الماتىداعى باس كونسۋلى ميشەل ەركىن قازاقستانعا كەلدى.

بۇل تۋرالى الماتىداعى ا ق ش كونسۋلدىعىنىڭ باسپا ءسوز قىزمەتى حابارلادى.

«جاڭا تاعايىندالعان الماتىداعى ا ق ش باس كونسۋلى ميشەل ەركىن قازاقستانعا كەلدى. قوش كەلدىڭىز، ەركىن حانىم!»، - دەلىنگەن حابارلامادا.

بۇل جازبانىڭ استىندا كوپشىلىك «كۇيەۋى قازاق قوي»، «ساتتىلىك! قايىن جۇرتىڭىز قۋانا قارسى الۋدا»، «جەڭەشەەە، قوش كەلدىڭىز»، «قازاق ەلىنىڭ كەلىنى رەتىندە قازاقتارعا ۆيزانى كوپتەۋ ماقۇلدايدى دەگەن ۇمىتتەمىن، ەركىن حانىم؟!» دەپ پىكىر جازىپ جاتىر.

ايتا كەتەيىك، ا ق ش-تىڭ الماتىداعى باس كونسۋلى قىزمەتىن بۇعان دەيىن كەرولاين سەۆيدج اتقارعان. ول بالاسىنىڭ دەنساۋلىعىنا بايلانىستى قىزمەتىن ەرتەرەك توقتاتىپ، ا ق ش-قا كەتۋگە ءماجبۇر بولعان.