ا ق ش- تىڭ بۇرىنعى پرەزيدەنتى ترامپ گولوۆكينگە قاتىستى اششى شىندىقتى ايتتى

استانا. قازاقپارات – ا ق ش- تىڭ بۇرىنعى پرەزيدەنتى دونالد ترامپ UFC ۇيىمىنىڭ YouTube-تەگى ارناسىنا بەرگەن سۇحباتىندا قازاقستاندىق بوكسشى گەننادي گولوۆكينمەن (42-2-1، 37 ك و) قالاي تانىسقانىن جانە تورەشىلەردىڭ ادىلەتسىزدىگى تۋرالى ايتتى، دەپ حابارلايدى Vesti.kz.

«ءسىزدى گولوۆكيننىڭ ساۋل الۆارەسكە قارسى جەكپە-جەگىندە كوردىم. مۇنداي قازىلاردان كەيىن بوكستى قايتا كورگىڭ كەلمەي قالادى. ءسىز تورەلىكتى ءادىل جاساماۋ بوكسقا زيان دەپ ويلايسىز با؟»، - دەپ سۇرادى ارنا جۇرگىزۋشىسى دجيم نورتون.

ترامپ ءسوزىن گولوكينمەن قالاي تانىسقانىنان باستادى.

«ول كەزدە مار-ا-لاگودا (فلوريداداعى جەكە رەزيدەنتسياسى) ەدىم، ول ماڭدا وتە كەربەز ادامدار تۇرادى. الايدا ولار بىلەكتى ەمەس. سولاردىڭ اراسىندا وسى جىگىت، GGG بولدى. ول ۋاقىتتا گولوۆكين تۋرالى ءالى ەشتەڭە ەستىمەگەن ەدىم. ونى كورە سالا سپورتشى ەكەنىن ءتۇسىندىم. ول ماعان كەلدى دە بىلاي دەدى: «مەنىڭ اتىم گەننادي گولوۆكين، GGG. مەن مەديسون-سكۆەر-گاردەندە ايقاسامىن»، - دەيدى ترامپ.