«قازاقستانعا كەلگەن سايىن باعا شارىقتاپ جاتىر. قازىر ونىڭ دەڭگەيى بارسەلوناداعى جاعدايمەن تەڭەستى. ءتىپتى، كەيبىر تاۋار قۇنى اسىپ تۇسەدى.
بارسەلوناعا قاراعاندا ونىمدەر قىمباتىراق جانە ساپاسى ناشار. ماسەلەن، كەشە سۇزبە ساتىپ الدىم، مەرزىمى ءوتىپ كەتكەن. تاۋىق ەتى ءۇش اي مۇزداتىلعان. ەلدەگى ۇلكەن سۋپەرماركەتتە ءونىمنىڭ 20 پايىزى عانا وتاندىق ەكەن، ال قالعانى يمپورت.
يسپانيادا ءتىپتى كورشىلەس يتاليا مەن فرانسيا ەلدەرىنىڭ ونىمدەرى نارىققا جىبەرىلمەيدى» دەپ جازدى ناكيپوۆا الەۋمەتتىك جەلىدەگى پاراقشاسىندا.