كۇن ساۋلەسى ادام تەرىسىنە تەرىس اسەر ەتەدى - عالىمدار
بينگەمتون ۋنيۆەرسيتەتىنىڭ زەرتتەۋشىلەرى جۇرگىزگەن زەرتتەۋ ناتيجەلەرى ۋلترادىبىستىق ساۋلەلەنۋ ادام تەرىسىن وزگەرتە الاتىنىن كورسەتتى. دالىرەك ايتقاندا، ۋلترادىبىستىق ساۋلەلەنۋ ادام تەرىسى مەن سىڭىرلەرىنە، شەمىرشەكتەرىنە جانە سۇيەكتەردى بايلانىستىراتىن تالشىقتى اقۋىزعا تەرىس اسەر ەتىپ، زالال كەلتىرەدى.
«ءبىز «كۇنگە شىقپاڭىز» دەپ ۇرەي تۋدىرعىمىز كەلمەيدى. ءبىراق ۋلتراكۇلگىن ساۋلەلەنۋدىڭ ۇزاق ۋاقىت اسەر ەتۋى تەرىڭىزدىڭ قاتايۋىنا اكەپ سوعادى، سونىمەن قاتار كانتسەروگەندىك ماسەلەلەردىڭ جوعارى قاۋپىنە دە اكەلۋى مۇمكىن»، دەپ پىكىر ءبىلدىردى ۋنيۆەرسيتتىڭ بيومەديتسينالىق ينجەنەريا كافەدراسىنىڭ دوتسەنتى گاي گەرمان.
بينگەمتون كومانداسى ۋلتراكۇلگىن ساۋلەلەنۋدىڭ ءارتۇرلى دەڭگەيلەرىنە دەيىنگى جانە كەيىنگى تەرى ۇلگىلەرىن تولىق قالىڭدىعىمەن سالىستىردى. زەرتتەۋشىلەر تەرى ۋلتراكۇلگىن ساۋلەسىن كوبىرەك سىڭىرگەن سايىن ونداعى كوللاگەن تالشىقتارى ءبىر-بىرىنە تىعىز ورنالاساتىنىن انىقتادى، بۇل تەرى تىندەردىڭ قاتتىلىعىنىڭ جوعارىلاۋىنا اكەلەدى.
بۇل رەتتە عالىمدار جۇرەك پەن تەرى جاسۋشالارىنىڭ زاقىمدانۋمەن كۇرەسۋى اراسىنداعى ۇقساستىقتاردى بايقادى، الايدا ولاردىڭ فۋنكتسيالارى ءارتۇرلى. ادام اعزاسىنا زاقىم كەلگەن كەزدە، كەز- كەلگەن ۇلپادا وسىنداي تابيعي رەاكتسيا بولادى. بىرىنشىدەن، قانداي دا ءبىر زاقىم بار جەردە جارانىڭ ورنىن وتەۋ كەرەك. سول سەكىلدى ينفاركت بولعان كەزدە جۇرەكتە دە سولاي بولادى. كەيدە، دەنەنىڭ رەاكتسياسى ءسىزدىڭ ءومىرىڭىزدى ساقتاپ قالۋى مۇمكىن، ءبىراق بۇل كەيىنىرەك دەنساۋلىعىڭىزدا باسقا دا احۋالداردى تۋعىزۋى مۇمكىن.
دەنە تەرىسى - اعزانىڭ ەڭ ۇلكەن مۇشەسى، ميكروبتاردان جانە باسقا سىرتقى فاكتورلاردان قورعانىش قاباتى. سوندىقتان ونى قورعاۋ جانە نىعايتۋ اسا ماڭىزدى. تەرىنىڭ قالىپتى جۇمىسىنىڭ كەز كەلگەن بۇزىلۋى ادامنىڭ كۇندەلىكتى ومىرىنە ءقاۋىپ توندىرەدى.
كاريما جۇماعالي، قورقىت اتا اتىنداعى قىزىلوردا ۋنيۆەرسيتەتىنىڭ ستۋدەنتى
Egemen Qazaqstan