ەۋروپا ديپلوماتياسىنىڭ باسشىسى قۇراننىڭ ورتەلۋىنە قاتىستى مالىمدەمە جاسادى
ەۋروپالىق سىرتقى ىستەر قىزمەتىنىڭ مالىمدەمەسىندە ەۋروپاداعى مۇسىلمانداردى قورلاعان جەكەلەگەن تۇلعالاردىڭ جاقىندا جاساعان ارەكەتتەرىنەن كەيىن ەۋروپا وداعى ءدىني وشپەندىلىك پەن توزىمسىزدىككە يتەرمەلەۋدىڭ كەز كەلگەن تۇرىنە ءۇزىلدى-كەسىلدى قارسى ەكەنىن تاعى دا ايتادى.
«الۋان تۇرلىلىكتى قۇرمەتتەۋ - ەۋروپالىق وداقتىڭ باستى قۇندىلىعى. بۇعان باسقا ءدىني قاۋىمداستىقتاردى قۇرمەتتەۋ دە كىرەدى»، - دەلىنگەن ە و سىرتقى ىستەر قىزمەتىنىڭ مالىمدەمەسىندە.
ەۋروپا ديپلوماتياسىنىڭ باسشىسى ج. بوررەل قۇراندى نەمەسە قاسيەتتى دەپ سانالاتىن كەز كەلگەن كىتاپتى قورلاۋ، قۇرمەتتەمەۋ - ارانداتۋشىلىق ەكەنىن اتاپ ءوتتى.
«ناسىلشىلدىك، كسەنوفوبيا جانە سوعان بايلانىستى توزبەۋشىلىك كورىنىستەرىنە ەۋروپالىق وداقتا ورىن جوق. ءبىز شەتەلدە جانە ۇيدە ءدىن، سەنىم جانە ءسوز بوستاندىعىن قورعاۋدى جالعاستىرامىز. ءوزارا تۇسىنىستىك پەن سىيلاستىق ءۇشىن بىرگە بولاتىن كەز كەلدى. جەكە ارانداتۋشىلار جۇزەگە اسىرعان بۇل ارەكەتتەر ءبىزدى جانە ءبىزدىڭ قوعامىمىمىزدى جىك- جىككە بولگىسى كەلەتىندەرگە عانا پايدا اكەلەدى»، - دەدى ە و سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى.
بۇعان دەيىن حابارلاعانىمىزداي، كوپەنگاگەندە يراكتىڭ دانياداعى ەلشىلىگىنىڭ الدىندا قۇران كىتابىن ورتەۋ اكسياسى ءوتتى. ب ۇ ۇ باس اسسامبلەياسى قاسيەتتى كىتاپتاردى قورلاۋدىڭ كەز كەلگەن ارەكەتىن ايىپتاپ، مۇنداي ارەكەتتەردى حالىقارالىق قۇقىقتى بۇزۋ دەپ تانيتىن قاۋلى قابىلدادى.
قازاقستان پرەزيدەنتى قاسىم-جومارت توقايەۆ ءبىرقاتار سولتۇستىك ەۋروپا مەملەكەتتەرىندە قۇراندى ورتەۋ ارەكەتتەرىن قازىرگى الەمدەگى شيەلەنىستى ۋشىقتىرۋعا، حالىقتار مەن مەملەكەتتەر اراسىنداعى سەنىمگە نۇقسان كەلتىرۋگە باعىتتالعان ارانداتۋشىلىق دەپ سانايدى.