بۇگىن ون ءبىر ايماقتا قاتتى ىستىق بولادى
اتموسفەرالىق فرونتتاردىڭ اسەرىنەن ەلىمىزدىڭ باسىم بولىگىندە تۇراقسىز اۋا رايى ساقتالادى، جاڭبىر جاۋادى، نايزاعاي، بۇرشاق، داۋىل سوعادى.
تەك رەسپۋبليكامىزدىڭ وڭتۇستىگىندە، وڭتۇستىك- باتىسىندا جاۋىن- شاشىن جوق، كۇن اشىق.
رەسپۋبليكا بويىنشا جەل كۇشەيەدى، تۇندە سولتۇستىكتە، سولتۇستىك- باتىستا تۇمان بولادى.
كۇندىز تۇركىستان، الماتى، جەتىسۋ، باتىس قازاقستان، اتىراۋ، ماڭعىستاۋ، اقتوبە، قاراعاندى، اباي وبلىستارىندا، جەتىسۋ، شىعىس قازاقستان وبلىستارىنىڭ وڭتۇستىگىندە، وڭتۇستىگىندە 35-40 گرادۋس قاتتى ىستىق ساقتالادى.
كۇندىز الماتى وبلىسىنىڭ سولتۇستىگىندە، ورتالىعىندا، ماڭعىستاۋ وبلىسىنىڭ وڭتۇستىگىندە، جەتىسۋ وبلىسىنىڭ سولتۇستىگىندە، وڭتۇستىگىندە، ورتالىعىندا 42-43 گرادۋس وتە قاتتى ىستىق بولادى.
سولتۇستىك قازاقستان، اقمولا وبلىستارىندا، اتىراۋ وبلىسىنىڭ شىعىسىندا، قوستاناي وبلىسىنىڭ وڭتۇستىگىندە ءورت قاۋپى جوعارى.
الماتى، تۇركىستان، جامبىل، شىعىس قازاقستان، قاراعاڭدى، ماڭعىستاۋ، ۇلىتاۋ، جەتىسۋ، اباي وبلىستارىندا، قىزىلوردا وبلىسىنىڭ ورتالىعىندا، شىعىسىندا، پاۆلودار وبلىسىنىڭ وڭتۇستىگىندە، اقتوبە وبلىسىنىڭ وڭتۇستىگىندە، اتىراۋ وبلىسىنىڭ باتىسىندا، سولتۇستىگىندە، اقمولا وبلىسىنىڭ وڭتۇستىگىندە، باتىسىندا توتەنشە ءورت قاۋپى ساقتالادى.