استاناداعى جەرءۇستى مەتروسىنىڭ پويىزدارىن قانداي زاۋىت قۇراستىرادى

استانا. قازاقپارات - «استانا LRT» جوباسىنا ارنالعان پويىزداردى ۆاگون قۇراستىراتىن قىتايلىق «CRRC Tangshan Co.Ltd» كومپانياسى جاسايدى، دەپ حابارلايدى قازاقپارات ءتىلشىسى.

ەلوردالىق كولىك جانە جول- كولىك ينفراقۇرىلىمىن دامىتۋ باسقارماسىنان مالىمدەگەندەي، LRT پويىزدارىن جاسايتىن اتالعان كومپانيا قىتايدا جەتەكشى كاسىپورىنداردىڭ ءبىرى سانالادى.

«جىلجىمالى قۇرامنىڭ قۋاتى - ساعاتىنا 115 كيلوۆاتت، ەڭ جوعارى سىيىمدىلىعى - 600 ادام. ونى اۆتوماتتى باسقارۋ ءۇشىن «GoA 4» تەحنولوگياسى قولدانىلادى. بۇل باسقارۋ جۇيەسى ەلەكتر قۋاتىمەن جۇمىس ىستەيدى»، - دەلىنگەن قازاقپارات ءتىلشىنىڭ ساۋالىنا بەرىلگەن ەلوردا اكىمدىگىنىڭ جاۋابىندا.

تەحنيكالىق قۇجاتتاماعا سايكەس، جوبادا E-60 رەلستەرى پايدالانىلادى. اكىمدىك مالىمەتىنشە، بۇل ەۋروپالىق ستاندارتتارعا ساي كەلەدى.

بۇعان دەيىن LRT پويىزدارىنىڭ ايالداماسى قاي جەرلەردە ورنالاساتىنىن جازىپ ەدىك.